Футбол бўйича Италия А Сериясининг 30-турида «Рома» 20 март, якшанба куни «Лацио»га қарши баҳс олиб борди.
Учрашувнинг дастлабки дақиқасидаёқ Тэмми Абраҳам «бўрилар»ни ҳисобда олдинга олиб чиқди. 22-дақиқада англиялик ҳужумчи дублни расмийлаштирди.
Бўлим якунланиши арафасида Лоренцо Пеллегрини жарима зарбасини қойилмақом ижро этган ҳолда ҳисобни йирик кўринишга олиб келди. Иккинчи бўлимда дарвозалар дахлсиз қолди.
Ўзбекистонлик футболчи Элдор Шомуродов бу ўйинда захирада қолди.
«Рома» ушбу ғалаба эвазига очколарини 51 тага етказиб, «Лацио»ни (49) ортда қолдирган ҳолда бешинчи ўринга кўтарилди.
А Серия мусобақа жадвали, ўйинлар тақвими ва тўпурарлар рўйхати шу ерда — кўриш.
А Серия
30-тур баҳслари
20 март, якшанба
«Рома» — «Лацио» 3:0
Голлар: 1:0 – 1 Абраҳам, 2:0 – 22 Абраҳам, 3:0 – 40 Пеллегрини.«Рома»: Руй Патрисиу, Карсдорп, Смоллинг, Манчини, Рожер, Залевски (Виня, 74), Мхитарян, Сержиу Оливейра (Верету, 81), Кристанте, Пеллегрини (Бове, 87), Абраҳам.
«Лацио»: Стракоша, Марушич, Ачерби, Луис Фелипе, Ҳюсай (Ладзари, 52), Лейва (Каталди, 65), Луис Альберто, Милинкович-Савич, Педро, Иммобиле, Фелипе Андерсон (Ромеро, 65).
Огоҳлантиришлар: Педро (43), Габаррон (43), Карсдорп (48), Манчини (53), Лейва (61), Залевски (73), Сержиу Оливейра (78).
Изоҳ (0)