“Barselona” bosh murabbiyi Xavi “Real” ustidan qozonilgan yirik g‘alaba (4:0) haqida fikr bildirdi.
Barcha “Barsa” muxlislari uchun baxtli kun. Biz ko‘proq gol urishimiz ham mumkin edi.Safarda “Real” ustidan bunchalik ustunlikka ega bo‘lishimizni kutmagandik. Ular bir hafta dam oldi, biz esa juma kuni Turkiyadan (Yevropa Ligasi doirasidagi “Galatasaray”ga qarshi o‘yindan so‘ng — “Daryo”) uchib keldik.
Fantastik o‘yin ko‘rsatdik va bundan juda mamnunman. O‘yin borasida ham, natija borasida ham “Real”dan ancha o‘tib ketdik. Og‘zimiz qulog‘imizda.
Sovrin haqida o‘ylamasdan ishlashda davom etamiz. Ortiqcha to‘lqinlanmasdan davom etishimiz kerak.
Xavi, “Barselona” bosh murabbiyi
“Barselona” so‘nggi 3 yil ichida ilk bor “Real”dan ustun keldi. Madrid klubining 5 o‘yindan iborat bo‘lgan g‘alabali seriyasi yakunlandi.
Katalonlar 28 ta o‘yin o‘tkazgan holda musobaqa jadvalida 54 ochko bilan 3-o‘rinda bormoqda. “Real” esa 66 ochko yakka peshqadam bo‘lib turibdi. 2-pog‘onadagi “Sevilya”ning hisobida 57 ochko bor.
Izoh (0)