Ўзбекистон фуқароларининг 50 нафарига Францияда бепул ўқиш имконияти берилади

Ўзбекистон ёшлари Франция олий таълим муассасаларида бепул ўқиш имкониятига эга бўлди. Ушбу мамлакат элчихонаси бакалавр, магистратура ва докторантурада ўқиш учун Ўзбекистонда грант ажратди, деб хабар беради «Эл-юрт умиди» жамғармаси.

Франция элчихонаси, Campus France ва «Эл-юрт умиди» жамғармаси ўртасидаги қўшма грантларни молиялаштириш учун 50 ўринга мўлжалланган очиқ стипендия танловларини эълон қилди. Шунингдек, «Янги Ўзбекистоннинг 2022–2026 йилларга мўлжалланган тараққиёт стратегияси» лойиҳасида «Эл-юрт умиди» жамғармаси орқали эркин ва ижодий фикрлайдиган ёшларни нуфузли хорижий олийгоҳларга ўқишга юбориш кўламини 2 бараварга ошириш таклифи илгари сурилмоқда.

«Эл-юрт умиди» жамғармаси Ўзбекистон учун энг устувор соҳалар, жумладан:

• Нефть ва газ, электр энергияси, қайта тикланадиган энергия, геология ва кончилик;
• Ядро муҳандислиги, электротехника, аэрокосмик муҳандислик ва фуқаро авиацияси;
• Автомобильсозлик;
• Ахборот технологиялари ва сунъий интеллект;
• Сув ва экология муҳандислиги, агрономия;
• Гуманитар фанлар, чет тиллари;
• Маданият, туризм ва спорт, кинематография, маданий мерос ва музейшунослик, мода;
• Архитектура ва дизайн;
• Иқтисодиёт ва менежмент, ҳуқуқ, журналистика, давлат бошқаруви;
• Соғлиқни сақлаш ва фармацевтика.

Ушбу соҳаларда ўқишни давом эттириш учун қўшма грантларни молиялаштириш учун 50 ўринга мўлжалланган очиқ стипендия танловларини эълон қилинади.

«Эл-юрт умиди» жамғармаси 2022—2023-ўқув йили учун энг нуфузли хорижий давлатларда:

• бакалавриат таълим дастури учун 10 нафар,
• магистратура таълим дастури учун 30 нафар,
• докторантура таълим дастури учун 10 нафар стипендиялар ажратишини маълум қилади.

Танловда иштирок этиш учун аризалар «Эл-юрт умиди» жамғармасининг онлайн платформаси орқали электрон шаклда топширилади. Ҳужжатлар 2022 йилнинг 15 мартдан 15 майга қадар давом этади. Номзодларнинг ўзбек, француз ва инглиз тилларини билиш даражасини баҳолаш «Эл-юрт умиди» жамғармаси ва Campus France’нинг тегишли мутахассислари томонидан амалга оширилади. Тегишли хорижий тилларни билиш даражаси CEFR B2.

Грант соҳибларини танлашда икки асосий йўналиш бўйича 2022 йилнинг май—июнь ойларида суҳбат ўтказилади: мотивация ва мутахассислик бўйича билим даражаси. Ўқиш сентябрь ойидан бошланади.

Саралаш танловига оид барча маълумотларни «Эл-юрт умиди» жамғармасининг «Eyuf.uz» сайти орқали билиб олиш мумкин. Номзодлар учун барча зарур маълумотлар жамғарманинг Онлайн ҳужжат топшириш платформасида батафсил ёритиб берилган.

Аввалроқ хорижий ОТМларга бакалавриат учун – 50 нафар, магистратура учун – 10 нафар хотин-қизларга ҳар йили «Эл-юрт умиди» жамғармаси орқали қўшимча грантлар ажратилиши тўғрисида хабар берилганди.