17—20 март кунлари Ўзбекистон ҳудудига Эрондан илиқ ва нам ҳаво, сўнгра Волгабўйи ҳудудларидан совуқ ҳаво массаси кириб келиши кутилмоқда, деб хабар беради «Ўзгидромет».
Шу кунлари республика ҳудудининг катта қисмида вақти-вақти билан ёмғир ёғади, момақалдироқ бўлиши, 18 мартда баъзи жойларда ёмғир қисқа муддатга қорга айланиши мумкин.
Шунингдек
- 17 мартда Бухоро, Навоий вилоятларида баъзи жойларга кучли ёмғир;
- 18 мартда Тошкент, Самарқанд, Жиззах, Сирдарё, Қашқадарё, Сурхондарё, Андижон, Наманган, Фарғона вилоятларида баъзи жойларга кучли ёмғир ёғади.
- 17 мартда Жиззах, Сурхондарё вилоятларида 22—27 метр/сониягача;
- 18 мартда Сурхондарё, Андижон, Наманган, Фарғона вилоятларида 22-27 метр/сониягача кучайиши мумкин.
19—20 мартда Қорақалпоғистон Республикаси, Хоразм вилоятида ва чўл ҳудудларида 2-6 даража совуқ, Қорақалпоғистоннинг шимолида баъзи жойларда 7-10 даража совуқ бўлади.
Аввалроқ «Ўзгидромет» прогнозига кўра, ҳафта охирларига бориб айрим жойларда ёмғир қорга айланиши мумкинлигини маълум қилганди. Вақти-вақти билан ёмғир ёғиши кузатиладиган беқарор об-ҳаво кейинги ҳафтанинг биринчи ярмигача сақланиб туради. Айрим вилоятларда кучли шамол ва момақалдироқ бўлиши мумкин.
Изоҳ (0)