«Бавария» «Барселона»нинг ёш футболчиси учун 50 млн евро сарфлашга тайёр

«Бавария» «Барселона» ярим ҳимоячиси Гави атрофидаги вазиятни кузатмоқда.

Каталония жамоаси 18 ёшли футболчи билан шартномани узайтириш борасида келиша олмаяпти. Гавининг «кўк-анорранглилар» билан амалдаги шартномаси 2023 йилнинг ёзида ўз ниҳоясига етади.

Мюнхенликлар вазиятни синчковлик билан кузатмоқда. «Бавария» футболчининг 2022 йил июнь ойигача амал қиладиган 50 миллион евролик товон пулини тўлаб, харид қилиши ҳам мумкин.

Бироқ Гави ўз келажагини «Барселона»да кўрмоқда ва янги битим борасида келишувга эришишга умид қиляпти.

Испаниялик футболчи 2021/22 йилги мавсум Ла Лигада 23 та ўйинда майдонга тушиб, 2 та голга муаллифлик қилган.

Аввалроқ Лионель Месси «Барселона»га қайтиши мумкинлиги, унинг отаси каталон клуби раҳбарияти билан суҳбатлашгани хабар қилинганди. Ундан ташқари каталонияликлар Эрлинг Ҳоландни харид қилмоқчи экани ва уни клубнинг энг кўп маош олувчи футболчисига айлантирмоқчи экани айтилганди.