Эрлинг Ҳоланд «Реал» ёки «Барселона»га ўтмоқчи. Футболчи бошқа вариантларни кўриб чиқмайди

«Боруссия Д» ҳужумчиси Эрлинг Ҳоланд фаолиятини Испанияда давом эттиришни хоҳламоқда.

Хабарга кўра, ҳужумчи ўзини Ла Лигада синаб кўрмоқчи. Шунинг учун «Реал» ёки «Барселона» вариант уни кўпроқ эътиборини тортмоқда.

Норвегиялик ҳужумчининг атрофидагилари унга «Манчестер Юнайтед»га ўтишни маслаҳат беряпти. «Шаҳарликлар» испан жамоаларидан кўра кўпроқ маош ваъда қилган. Бир пайтлар «Манчестер Сити» шарафини ҳимоя қилган Эрлингнинг отаси Алф-Инге Ҳоланд ҳам ўғлини Манчестерга ўтишини хоҳлайди. Аммо Ҳоланд Испанияга боришни маъқул кўрмоқда.

Аввалроқ «Реал» Эрлинг Ҳоланд билан дастлабки келишувга эришгани, бу келишувдан кейин Ҳоланднинг вакиллари бошқа клублар билан музокара олиб боролмаслиги хабар қилинганди. «Барселона» эса ҳужумчини клубнинг энг кўп маош олувчи футболчисига айлантирмоқчи экани айтилганди. Каталонияликлар президенти Хоан Лапорта ва Мино Райола Эрлинг Ҳоланд трансферини муҳокама қилгани ҳам маълум бўлганди.

21 ёшли ҳужумчи жорий мавсум «Боруссия Д» сафида 20 та ўйин ўтказиб, 23 та голга муаллифлик қилди.