Кейт Уинслет ижод қилишга тайёр – «Титаник» юлдузи Variety нашрига берган интервьюсида экранларга қайтиши ҳақида гапириб берди. Актриса «Исстаунлик Мейр» сериалида суратга тушгандан сўнг бир йил танаффус қилишга қарор қилган.

Уинслетнинг сўзларига кўра, орқага қадам ташлаш яхши бўлган. «Ўтган йили мен оилам билан вақт ўтказиш ва «Исстаунлик Мейр»дан кейин қайта тикланиш учун танаффус олдим. Бироз дам олиб, қайтадан ишга тушиш яхши бўлди», – дейди Кейт.

Шунингдек, Уинслет яна ижодга қайтишни ва бошқа ҳамкасблари билан бир хонада ишлашни сабрсизлик билан кутаётганини қўшимча қилган.