Илон Маск ва қўшиқчи Граймс иккинчи марта ота-она бўлди. Уларнинг қизи 2021 йил декабрь ойида суррогат она ёрдамида дунёга келган.
Граймс бу ҳақда Vanity Fair’га берган катта интервьюсида маълум қилди. Ажрашганига қарамай, юлдузлар икки фарзандини биргаликда тарбиялайди. 2020 йил дунёга келган Х Æ А-12 нинг энди Exa Dark Sideræl ёки оддийгина Y исмли синглиси бор.
Қўшиқчининг айтишича, ҳозир у ва Маск жуда илиқ муносабатда. «Биз алоҳида уйда яшаймиз ва энг яхши дўстмиз. Ҳар доим бир-биримиз билан кўришиб турамиз ... Биз шунчаки ўзгача муносабатдамиз ва мен буни бошқалар тушунишини кутмайман», — дейди у.
Айтганча, келажакда улар катта оила қуришни режалаштиришган. «Биз ҳар доим уч ёки тўртта фарзандимиз бўлишини хоҳлардик», — деб қўшимча қилди Граймс.
Изоҳ (0)