Ичан қалъа музей қўриқхонасида ўрта асрлар ижтимоий ҳаётини акс эттирувчи ҳайкаллар ўрнатилди. Бу ҳақда Маданий мерос агентлиги хабар қилди.
Қайд этилишича, Ичан қалъа давлат музей-қўриқхонаси ҳудудидаги сайёҳлик йўналишларига тарихий воқеалар, азалий қадриятлар ва аҳоли турмуш тарзини акс эттирувчи ҳайкаллар ўрнатилган. Хива шаҳридаги очиқ осмон остидаги музей-қўриқхонанинг тарихий элементлар билан бойитилиш жараёнида Маданий мерос агентлиги директори Шаҳриёр Нуруллоев ҳам иштирок этган.
Мавзу жиҳатдан тарихий-меъморий обидалар билан уйғунликдаги ушбу санъат асарлари сайёҳларнинг ўтмиш ҳақидаги тасаввурларини бойитишга хизмат қилади. Шунингдек, шаҳар жозибадорлигини оширишда ҳам ёрдам беради.
Изоҳ (0)