Ichan qal’a muzey qo‘riqxonasida o‘rta asrlar ijtimoiy hayotini aks ettiruvchi haykallar o‘rnatildi. Bu haqda Madaniy meros agentligi xabar qildi.
Qayd etilishicha, Ichan qal’a davlat muzey-qo‘riqxonasi hududidagi sayyohlik yo‘nalishlariga tarixiy voqealar, azaliy qadriyatlar va aholi turmush tarzini aks ettiruvchi haykallar o‘rnatilgan. Xiva shahridagi ochiq osmon ostidagi muzey-qo‘riqxonaning tarixiy elementlar bilan boyitilish jarayonida Madaniy meros agentligi direktori Shahriyor Nurulloyev ham ishtirok etgan.
Mavzu jihatdan tarixiy-me’moriy obidalar bilan uyg‘unlikdagi ushbu san’at asarlari sayyohlarning o‘tmish haqidagi tasavvurlarini boyitishga xizmat qiladi. Shuningdek, shahar jozibadorligini oshirishda ham yordam beradi.
Izoh (0)