Ўзбекистоннинг қайси ҳудудида февраль ойида энг кўп оила қурилгани маълум қилинди

Ўзбекистонда 2022 йилнинг февраль ойида 17 минг 824 та никоҳ ҳолати қайд этилган. Бу ҳақда Давлат статистика қўмитаси хабар қилди.

Қайд этилишича, кўрсаткич ўтган йилнинг февраль ойига нисбатан 1 минг 478 тага кўп. Ҳудудлар кесимида энг кўп никоҳ Самарқанд вилоятида қайд этилган — 1 минг 883 та. Иккинчи ўриндаги Қашқадарё вилоятида Самарқанддагидан битта кам никоҳ тузилган 1 минг 882 та. Учликни 1658 та никоҳ ҳолати билан Хоразм вилояти якунлаган. Тўлиқ рўйхат қуйида:

• Қорақалпоғистон – 1427 та;
• Андижон вилояти – 1314 та;
• Бухоро вилояти – 1153 та;
• Жиззах вилояти – 663 та;
• Қашқадарё вилояти – 1882 та;
• Навоий вилояти – 449 та;
• Наманган вилояти – 1042 та;
• Самарқанд вилояти – 1883 та;
• Сурхондарё вилояти – 1558 та;
• Сирдарё вилояти – 383 та;
• Тошкент вилояти – 1424 та;
• Фарғона вилояти – 1538 та;
• Хоразм вилояти – 1658 та;
• Тошкент шаҳри – 1450 та.

2022 йилнинг 7 март соат 18:00 ҳолатига кўра Ўзбекистонда доимий яшовчи аёллар сони 17 миллион 587 минг 908 нафарга етган. Маълум қилинишича, аёллар мамлакат доимий аҳолисининг 49,7 фоизни ташкил этмоқда.

Ўзбекистон бўйича январь ойида жами 1 минг 437 нафар эгизак чақалоқ туғилган. Шундан қиз болалар 49,5 фоизни, ўғил болалар 50,5 фоизни ташкил этган.