10-mart kuni Moldovadan 98 nafar O‘zbekiston fuqarosini Buxarest shahri (Ruminiya) aeroporti orqali evakuatsiya qilish ishlari yakunlandi. Bu haqda TIV rasmiy vakili xabar berdi.
Evakuatsiya qilingan fuqarolarning 17 nafari ayol, 5 nafari voyaga yetgaman shaxs va 4 nafari chaqaloq.
Polsha hududida O‘zbekistonning 220 nafarga yaqin fuqarosi, Ukraina—Polsha chegarasida esa 50 ga yaqin o‘zbekistonlik qolmoqda.
Ma’lum qilinishicha, 11-mart kuni bitta evakuatsiya reysi amalga oshirilishi rejalashtirilgan.
Avvalroq Ukrainaning Moldova bilan chegaradosh joylarida yashovchi 200 ga yaqin o‘zbekistonlik boshpana izlab, Moldova hududiga o‘tgani to‘g‘risida xabar berilgandi. Mamlakat insonparvarlik nuqtayi nazaridan, fuqaroligidan qat’i nazar, o‘z hududiga kirayotgan barcha shaxslarni tashish, joylashtirish, ovqatlantirish va boshqa zarur masalalarda ko‘mak bermoqda. Keyinroq O‘zbekiston TIV rasmiy vakili Moldova hududida bo‘lib turgan O‘zbekiston fuqarolarini olib chiqish masalasini ishlab chiqish boshlanganini ma’lum qilgandi. 10-mart kuni Moldova hududida bo‘lgan 94 nafar fuqaro O‘zbekiston diplomatlari hamrohligida Moldova—Ruminiya chegarasini kesib o‘tgani aytildi.
Izoh (0)