2022 йилнинг январь ойида Грузиянинг Марказий Осиёга автомобиллар реэкспорти 4,4 миллион долларни ташкил этди. Бу ҳақда Грузия миллий статистика ҳисоботида қайд этилган.
Грузиядан Ўзбекистонга автомобиллар реэкспорти 321 350 долларни ташкил этди, бу 2021 йилнинг шу даврига нисбатан 201,8 фоизга ўсди деганидир.
Реэкспорт — мамлакат ўзи импорт қилган автомобилларни бошқа давлатларга сотишдир. Яъни Грузия автомобилларни бошқа давлатдан сотиб олиб, Ўзбекистонга сотмоқда.
Ўзбекистонда автомобиль импорти ва экспорти қандай?
Ўзбекистон январь ойида 65,7 млн долларлик автомобиллар импорт қилган.Бу кўрсаткич ўтган йилнинг шу даврига нисбатан 11,3 баробарга кўпроқдир. 2021 йилнинг январь ойида Ўзбекистон жам 5,8 млн долларлик автомобиль импорт қилган эди.
Автомобиллар экспорти эса январь ойида 8,7 млн долларни ташкил қилди. Бу ўтган йилнинг шу даврига нисбатан 50,5 фоизга камроқ.
Шундай қилиб, январь ойида автомобиллар импорти уларнинг экспортидан 7,5 баробар кўпроқ бўлди.
Изоҳ (0)