Европанинг бир қатор мамлакатларида катта миқдорда ўғирлик содир этган халқаро қидирувдаги жиноятчи ҳибсга олинди, деб хабар беради Интерполнинг Ўзбекистондаги Миллий марказий бюроси.
Маълум қилинишича, Македониянинг Интерпол Миллий марказий бюроси (ММБ) маълумотларига асосан ҳамда Ўзбекистон Интерпол ММБ ходимларининг тезкор ҳаракатлари туфайли уюшган жиноий гуруҳ аъзоларидан бири бўлган ушбу шахс Ўзбекистонда аниқланган ва қўлга олинган.
«Бугунги кунда, олиб борилган музокаралар ва олинган тезкор ахборотлар туфайли халқаро қидирувда бўлган шахс содир этган жиноятларига суд олдида жавоб бериш учун македониялик ҳамкасбларга топширилди», — дейилади хабарда.
Эслатиб ўтамиз, 2021 йилнинг октябрида Сеулда Жанубий Корея Интерпол ходимлари халқаро қидирувда бўлган Ўзбекистон фуқаросини чегара постини кесиб ўтиш вақтида қўлга олганди.
Изоҳ (0)