Сўнгги кунларда содир бўлган ЙТҲлар тафсилотини тақдим этамиз.
Қашқадарёда Epica йўл четида турган Spark’ни бориб урди
2022 йил 8 март куни соат 23:30 ларда Яккабоғ туман Амир Темур кўчасида Spark ва Epica транспорт воситалари иштирокида ЙТҲ содир бўлган.
Аниқланишича, фуқаро Ф.М.га тегишли бўлган Epica автотранспорт воситаси ҳозирда шахси номаълум ҳайдовчи томонидан тезликни ошириши оқибатида йўлнинг қатнов қисми четида турган Қ.У.га тегишли бўлган Spark автотранспорт воситасига тўқнашиб, бошқарувни йўқотган.
Ҳодиса содир бўлган жойдан Epica ҳайдовчиси кетиб қолган.
Ҳозирда ушбу ҳолат юзасидан Яккабоғ туман ИИБ ЙҲХБ ходимлари томонидан суриштирув ҳаракатлари олиб борилмоқда.
Самарқандда Lacetti ариққа тушиб кетди
2022 йилнинг 17 февраль куни соат 15:30 ларда 1994 йилда туғилган Х.Р. ўзининг бошқарувида бўлган Lacetti автомашинасини Паст Дарғом туманидан ўтувчи 4Р-46 йўлининг 16-километрида бошқариб келаётган вақтида, олд томонида кетаётган автомашинани нотўғри қувиб ўтиши оқибатида рул бошқарувини йўқотган. Оқибатда йўлнинг ўнг томонидаги ариққа тушиб кетиб, ЙТҲ содир қилган.
Автомашинада ҳайдовчининг якка ўзи бўлган. ЙТҲ натижасида ҳайдовчи енгил жароҳат олган ва унга тиббий ёрдам кўрсатилган.
Ҳодиса юзасидан Паст Дарғом туман ИИБ ЙҲХБ ходимлари томонидан суриштирув ишлари олиб борилмоқда.
Самарқандда Nexia уриб кетган пиёдани Cobalt босиб кетди
2022 йил 6 март куни соат 23:55 да 1999 йилда туғилган А.Ш. ўзининг Nexia русумли автомашинасини Самарқанд шаҳар Фирдавсий кўчасида бошқариб келиб, йўлни кесиб ўтаётган пиёдани уриб юбориб, воқеа жойидан кетиб қолган. Nexia ортидан ҳаракатланиб келаётган Cobalt автомашинаси ҳайдовчиси пиёданинг устидан босиб кетган.
Олиб борилган тадбирлар натижасида Nexia ҳайдовчиси ушланган.
ЙТҲ оқибатида пиёда тан жароҳати олиб РШТЁИМ Самарқанд филиалига ётқизилган.
Ҳолат юзасидан терговга қадар текширув ҳаракатлари олиб борилмоқда.
Изоҳ (0)