Сотиб олинган кийим ёки сумка юқори сифатли бўлишини қандай аниқлаш мумкин? Ҳатто юқори нарх ҳар доим ҳам харидор учун кафолат эмас. Қуйида сифатсиз харидларни фарқлашга ёрдам берадиган 7 та белгини тақдим этамиз.
Нотекис чок
Паст сифатли нарсаларни таниб олишнинг энг осон йўли унинг тикишларига қарашдир. Агар улар нотекис бўлса, бу эҳтиёт бўлиш учун жиддий сабабдир. Бундан ташқари, юқори сифатли маҳсулотларда чокларга диққатни қаратиш тавсия этилади: агар чок бўйлаб мато тортилса, у ечилишни бошламайди. Бунинг акси юз берса, демак сифатсиз кийим харид қилинган.
Пластик замоклар
Металлдан ясалган замоклар мустаҳкам ва бардошли, аммо пластикларида муаммолар пайдо бўлиши мумкин: агар кўйлак, пижак ёки бошқа гардероб буюмларида замок пластик бўлса, ишлаб чиқарувчи пулни тежашга қарор қилган ва бу буюмнинг сифати пастлигидан дарак беради.
Шаклни йўқотиш
Жемпер ёки узун свитер сотиб олгандан сўнг, улар тезда ўзининг олдинги шаклини йўқотиб қўйдими? Харид қилиш босқичида ҳам бу қийинчиликлардан қочиш мумкин: маҳсулотнинг эластик қисмини тортиб, уни қўйиб юбориш кифоя. Агар шакл йўқолса, бу ишлаб чиқаришда сифатсиз материал танланганини англатади. Яхши матолар ўз шаклларини ушлаб туради.
Замокнинг узунлиги
Кўпчилик замок узунлигига эътибор бермайди: унинг қанчалик яхши ишлашини текшириш кифоя қилади ва харид амалга оширилади. Аммо бу нотўғри ёндашув: агар замок турли узунликларда, нотекис ёки иккала томондан рангга мос келмаслигини сезсангиз, бу бутун маҳсулот сифатига шубҳа қилиш учун сабабдир.
Диққатни тортар даражада ялтироқ
Сўнгги бир неча мавсумда эътиборни тортадиган буюмлари машҳурликнинг энг юқори чўққисига чиқди. Бироқ замонавий нарсаларни танлашга эҳтиёткорлик билан ёндашиш керак. Ипак ёки атласдан тайёрланган кийимларни сотиб олаётганда, мато қандай «порлашига» диққат билан қараш лозим. Агар ялтираш жуда ёрқин бўлса, мато арзон бўлиб чиқиши мумкин, қиммат материаллар эса бундан фарқли ўлароқ ўта жилоланмайди.
Тугмалар
Тугмалар ҳам аҳамиятсиз элемент каби кўриниши мумкин, аммо ундай эмас. Юқори сифат учун бу маҳкам ва чиройли тарзда тикилган тугмалар ва ортиқча ипларнинг йўқлиги. Симметрия ҳақида ҳам эслаш керак. Агар нуқталардан камида биттаси кузатилмаса, маҳсулот шошилинч равишда ишлаб чиқарилган.
Ранг
Агар бўёқ сумканинг тутқичлари ёки тасмаларида из қолдирса, демак у сифатсиз. Бундан ташқари, сотиб олишдан олдин, ҳар қандай элементнинг бир хиллигини диққат билан текшириш тавсия этилади: агар бир қисмда ранг енгилроқ бўлса ва қолганларидан фарқ қилса, бир неча марта ювишдан кейин бўёқ ўчиб кетиши ҳам мумкин.
Изоҳ (0)