Бир неча кун фойдаланиш учун сотиб олинган ва пиширишга вақт топилмасдан, маҳсулотни ташлаб юбориш ҳар доим ачинарли. Озиқ-овқат маҳсулотларини узоқроқ сақлаш учун янги сақлаш усулларини ўрганиб олишингизни тавсия қиламиз. Албатта, буни ҳамма ҳам билмаслиги мумкин.
Пиёз
Шаҳар аҳолиси кўпинча пиёзни музлаткичда сақлайди. Аммо қишлоқ тажрибаси шуни ўргатадики, пиёз умуман совуқ ҳавога муҳтож эмас. Бундан ташқари, пиёз хона ҳароратида жуда яхши сақланади. Асосийси, хона қуруқ бўлиши керак.
Кўк пиёз
Тўғралган кўк пиёзни пластик идишда сақлаш мумкин. Шўрвалар ёки рагулар учун яхши зиравор бўлади. Фақат аввал уни тўғри қуритиш лозим.
Кўкатлар
Янги кўкатларни сақлашнинг тасдиқланган ва энг яхши усули уларнинг бандини кесиб, даста гуллар каби бир стакан совуқ сувга солиб, пакет билан баргларини ёпиш ва музлаткичга қўйишдир. Шу усул билан ҳар қандай кўкатни яхши сақлаш мумкин.
Сарсабил
Янги сарсабилни ҳам худди шу усулда сақлаш мумкин.
Қулупнай ва малина
Қулупнай ёки малинани узоқроқ сақлаш учун уларни сувга солиб, унга 10:1 нисбатда бир томчи сирка қўшилади. Ушбу эритмада резаворлар ювилади, қуритилади, ҳар қандай идишга солиб, музлаткичга қўйилади. Шу тарзда ювилган қулупнай 2 ҳафтагача, малина эса бир ҳафта яхши ҳолатини сақлаб қолади. Сирка ҳиди тезда йўқолади ва сезилмайди, резаворлар эса моғорламайди.
Авокадо
Маълумки, авокадо тозаланганда ёки кесилганда тезда қораяди. Қораймаслиги учун музлаткичга қўйишдан олдин унга зайтун мойи суртилади. Яна бир усули эса, авокадо пиёзнинг ярми билан бирга идишга солинади ва қопқоғи ёпилади ҳамда музлаткичда сақланади.
Картошка
Тўр халтага ёки қутига битта олма қўшиб, картошкани сақлаш мумкин. Лекин пиёзнинг ёнида картошкани сақламаслик яхшироқ. Бу сабзавотларни тезроқ чиришига олиб келади.
Пишлоқ
Пишлоқнинг кесилган қисми қуриб қолмаслиги учун уни ёғлаш ҳам мумкин. Пишлоқ, энг яхшиси, сабзавот бўлимида ёки музлаткич камераси ҳарорати юқори бўлган эшикда сақланади. Пишлоқни озиқ-овқат плёнкасига ўраш тавсия этилмайди. Уни мумланган пишириқ қоғозида сақлаш яхшироқ.
Салат барги
Бу усул салат баргининг бир ҳафта давомида қуриб қолишига йўл қўймайди. Фақат қоғоз салфеткани пластик қоплама остига қўйинг. У ортиқча намликни ютади.
Селдер
Селдер ва брокколи фольга билан ўралган ҳолда узоқроқ сақланади.
Помидор
Помидорларни қопларда сақламаслик керак, бу мумкин эмас. Агар, масалан, ҳали яхши пишмаган помидорлар йиғиб олинган бўлса, уларни қутида ёки газетага ўралган ҳолда сақлаш яхшироқдир. Улар бир-бирига тегмаслиги ва қуёш нурлари тушмаслиги керак. Помидорлар пишиши билан тескари томонига айлантириб қўйилади.
Занжабил
Занжабилни фақат музлаткичда сақлаш керак. Бу нафақат узоқ сақлашга ёрдам беради, балки уни майдалаш ҳам осонроқ бўлади.
Ёнғоқлар
Хомлигича сотиб олинган ёнғоқларни дарҳол қовуриш керак. Кейин идишга солиб, музлаткичга қўйилади. Шунда ёнғоқлар янада мазали бўлиб, узоқ муддатга етади.
Қўзиқоринлар
Қўзиқоринларни пластик эмас, балки қоғоз қопларда сақлаган яхши.
Озиқ-овқат маҳсулотлари
Турли озиқ-овқат маҳсулотларини сақлайдиган пластик қопларни маҳкам ёпиш учун эски бутилкалардан фойдаланиш мумкин. Уларнинг тепа қисми кесиб олиниб, қоплардан ўтказилади ва қопқоғи бураб қўйилади.
Изоҳ (0)