Аслида фойда бермайдиган, лекин ташлаб юборишга ҳам кўз қиймайдиган кераксиз буюмлар

Ҳаммамиз ҳам баъзан маркетинг ҳийлаларига учамиз: ҳаётни осонлаштиради деган умидда буюмлар сотиб оламиз. Бироқ кўпинча сотиб олинган нарсалардан тезда ҳафсаламиз пир бўлади. Улардан фойда кўрмаймиз, лекин ташлаб юборишга ҳам кўз қиймайди.

Шарбат учун графин

Агар уйда мева ва резаворлардан шарбат тайёрлаш одатий ҳол бўлса, албатта, графин керак. Бироқ рекламадаги каби қадоқланган шарбатни графинга қуйиш жуда ғалати, мантиқан олиб қараганда, ювиқсиз идиш кўпаяди холос.

Ҳаво намлагич

Мини-намлагич ҳам тезда ҳафсалангизни пир қилади. Катта хонада, ҳатто иш столи ёнида турса ҳам, бундай нарса самарали эмас, ҳавода сезиларли фарқни ҳис қилмайсиз ва тез орада токчада чанг босиб ётади. Фойдаланувчиларнинг таъкидлашича, ҳажми 4 литр ва ундан паст бўлган намлагичлар гигрометр билан ўлчанганда намлик фоизини умуман оширмайди.

Ҳожатхонани тозалаш воситалари

Энг яхшиси, чўтка ёрдамида мунтазам тозалаш, чунки шундагина микроблар йўқ бўлади. Спрейлар маълум маънода ортиқча ва кўпик ўз вақтида тўлиқ тозалаш зарурлигини сезишга имкон бермайди. Бундан ташқари, агар восита маҳкам ўрнатилмаган ёки у паст сифатли пластмассадан ясалган бўлса, унитазга тиқилиб қолиши мумкин.

Капгир учун таглик

Бундай тагликларнинг ўрнини оддий ликопча ҳам босиши мумкин. Бунга қўшимча равишда кичик ошхонада бундай таглик фақат жой эгаллайди ва халақит беради.

Декоратив ёстиқлар

Эҳтимол, диванда бундай буюмлар ҳақиқатан ҳам ноқулайлик туғдирмай, чиройли кўринар. Бироқ улар замонавий интерьерли мода журналларида бўлгани каби ётоқхонани безаш учун сотиб олинса, бу тезда кутилмаган муаммога айланиши мумкин. Кундалик ҳаётда уларни кечқурун ва эрталаб, тўшакни йиғаётганда доимий равишда ўзгартириш ёқимли иш эмас.

Текис қирғич

Кўпчилик қирғич танлашда эътибор берамайдиган нарса шуки, сиртнинг қанчалик кўп тешилгани уни ишлатиш қулайлигига бевосита таъсир қилади. Агар тешиклар кам ва бир-биридан жуда узоқда бўлса, маҳсулотни тезда ишқалаб бўлмайди. Ошхонага кераксиз буюмларни сотиб олмаслик учун бундай нарсаларга эътибор бериш лозим.

Соч турмаклаш қурилмалари

Сочингизни Голливуд актрисаларинидек жингалак қилиш, албатта, жуда жозибали. Бироқ профессионал услубни яратиш жараёни қанчалик узоқ ва мураккаб эканлигини билишингиз керак. Мумкин бўлган қийинчиликлар ва бунга кўп вақт сарфлаш зарурати туфайли бундай жингалакларни фақат байрамларда қиласиз, кўпинча фендан фойдаланасиз, қолган қурилмалар эса фақатгина жавондан жой эгаллайди холос.

Барча турдаги гўзаллик асбоблари

Гўзаллик буюмлари чиройли кўринади, шунинг учун ҳам янги мода гаджетини сотиб олиш завқини рад этиш жуда қийин. Бироқ сотиб олишдан олдин истакларингизни танқидий баҳоланг. Агар электр чўткаси терингиз турига мос келмаса ва селлюлит массажёри жуда кўп вақт ҳамда куч талаб қилса, кераксиз хариддан воз кечинг.