Фойдаланиб бўлгач, блендерни тозалаш учун атиги 30 сония сарфлаш кифоя.
Ошхона гаджетларидан, албатта, блендерни ювиш бироз ноқулай. Кастрюлка ва товалардан фарқли ўлароқ, у жуда кўп майда қисмларга ва ўткир пичоқларга эга. Блендерни, албатта, идиш ювиш машинасида ювиш мумкин, лекин пичоқларни олиб ташлаш унутиб қўйилса, вақт ўтиши билан улар ўтмаслашади ёки занглайди. Блендерни одатдаги усулда ҳам тозалашингиз мумкин: губка ва идишларни ювиш воситаси ва гаджетларни қисмларга ажратиш билан. Лекин ҳамма ҳам мазали коктейл, смузи ёки мазали соус тайёрлагандан сўнг дарҳол уни ювишга шошилмайди. Қуйида тақдим этилган усул эса ажойиб ечим ҳисобланади.
Блендерни 30 сонияда қандай тозалаш мумкин?
- Блендер ярмигача илиқ сув билан тўлдирилади ва бир неча томчи совун қўшилади.
- Блендер қопқоғи билан ёпилади ва бир неча сонияга ёқилади. Совунли сув унга ёпишиб қолган маҳсулотни ювади. Сувни тўкиб ташлаб, идиш қисми чайилади.
Агар мева, сабзавотлар блендерда майдаланган ёки сутли коктейллар тайёрланган бўлса, уни ювиш қийин бўлмаслиги аниқ. Аммо унда қаймоқ тайёрланаётган бўлса ёки печенье бўлаклари билан сариёғ аралаштирилса-чи?
Бундай ҳолда истеъмол содаси ёрдам беради, у иссиқ сувга тенг нисбатда қўшилиб, кейин блендер ёқилади. Қисқа вақтдан сўнг сода суви билан тўкиб ташланади ва юқорида келтирилган усул такрорланади.
Бу усул, шубҳасиз, жуда тез ва қулай. Аммо бактериялар тарқалишининг олдини олиш учун нафақат блендер идишининг ўзини, балки вақти-вақти билан қопқоғи ва пичоқларни ҳам алоҳида ювиш тавсия этилади.
Изоҳ (0)