Уйдаги жиҳоз ва буюмлардаги доғларни бартараф этишда ёрдам берадиган 10 та маҳсулот

Баъзи маҳсулотларни тозалаш воситалари ўрнига ишлатиш мумкинлигини биласизми? Баъзан улар кимёвий тозалаш воситаларидан кўра доғ ва кирларни яхшироқ олиб ташлашга ёрдам беради. Яна бир афзаллиги шундаки, улар доимо музлаткичда ёки ошхона жавонида мавжуд.

Ажойиб натижаларга эришиш учун ушбу махсус доғ ва кир тозалагичларни тозалаш арсеналига қўшиш тавсия этилади.

Лимонлар. Микротўлқинли печдаги ёғ ва кирни, чойшабдаги доғларни ва металларнинг порлашини тиклашга ёрдам беради. Доғ ёки юза шарбат билан артилади, 15 дақиқага қолдирилади, сўнгра сирт губка билан артиб, сув билан ювилади.

Гуруч. Катта ва узун ювилиши қийин бўлган идиш ичига бир ҳовуч пиширилмаган гуруч, бироз илиқ сув ва оддий тозалаш воситаси қуйилади. Идиш яхшилаб силкитилади. Жараённи бир неча марта такрорлаш мумкин.

Кетчуп. Ушбу мазали соус билан мис буюмларни порлаши учун жилолаш мумкин, шунингдек, машиналарни ҳам.

Туз. Туз ўзининг нотекис шакли туфайли гўшт кесадиган ошхона тахтасидан доғларни олиб ташлашга ёрдам беради, шунингдек, қуйма темир идишдаги куйган қолдиқларни бартараф этади.

Ёнғоқ. Уларнинг тозаланган асосий қисми ёғоч мебелидаги кичик ёриқлар ёки тирналган жойларни ниқоблаш учун жуда яхши. Бу каби жойларни ёнғоқ билан артиб, мебель юзасига озгина босиб туриш керак. Ёнғоқнинг меваси ва ёғи ёриқларни мукаммал беркитади.

Лимон кислотаси (кристалли) ёки апельсин кукуни. Идиш ювиш машинасида занг ва доғларни олиб ташлаш учун лимон кислотаси (кристалли) ёки апельсин кукуни ишлатилиши мумкин.

Хантал кукуни. Ушбу арзон маҳсулот идиш ювиш учун ажойиб воситадир, у ёғни жуда яхши тозалайди.

Ичимлик содаси. У табиий тозалаш воситаларининг ҳақиқий ғолибидир. Ошхонада универсал тозалаш воситаси сифатида фойдаланиш мумкин. Илиқ сувда суюлтирилган ичимлик содаси заргарлик буюмларига ёрқинлик қўшади.

Оқ шароб сиркаси. Ичимлик содаси каби сирка ҳам кучли тозалаш воситасидир. Унинг ёрдамида дераза ойналарини ювиш, гиламлардаги доғларни кетказиш мумкин. Кийимларнинг рангини янгилаш ва бошқа кўп нарсаларни ювиш учун совуқ сувга озгина сирка қўшиш мумкин.

Диққат! Сиркани мармар ва гранит стол усти, тош ва тош плиткалар, паркет поллари, дазмоллар, полдаги ёки металл юзалардаги янги доғларни, ўт, сиёҳ, қон, матодаги музқаймоқ доғларини тозалаш учун ишлатиб бўлмайди. Яхшиси улар учун махсус воситалардан фойдаланиш тавсия этилади.