Ўзини жаҳон юлдузига айлантирган фильмларда иштирок этишни истамаган актёр ва актрисалар (фото)

Баъзида фильмнинг яратилиш тарихи фильмнинг ўзи каби ҳаяжонли бўлади. Баъзи актёрлар арзимаган гонорар эвазига кичик ролларга рози бўлишади ва юлдузга айланишади. Айримлари ажойиб лойиҳаларни рад этишади ва бошқа бундай таклифларни олишмайди. Бошқалар эса ролга рози бўлишдан олдин узоқ вақт ўйлашади, лекин шунга қарамай, улар қарор қиладилар ва фақат ғалаба қозонишади.

Ричард Гир  — «Гўзал аёл»

Ричард Гир бу лойиҳага аралашишни умуман истамаган. Унга сценарий ҳам, қаҳрамон ҳам ёқмаган — уларни иккинчи даражали ва бўш деб ҳисоблаган. Аммо Гирга бу ролни бир неча бор таклиф қилган режиссёр Гарри Маршалл таслим бўлмайди ва қолганини Жулиа Робертсга қўйиб беради.

У актёрларни таништириб, уларни ёлғиз қолдиради, кейин Жулиа Гирга «Илтимос, ҳа деб айт» деб ёзилган қоғоз ташлаб кетади, шундан сўнггина актёр таслим бўлади. Аслида у фақат Робертс учунгина рози бўлган.

Аль Пачино — «Чўқинтирган ота»

Актёрга «Чўқинтирган ота» франшизаси ёққан ва унда ўйнашни хоҳлаган, аммо бошқа ролни. Актёр унга Майклдан кўра унинг катта акаси, жаҳлдор Соннининг роли кўпроқ мос келади, деб ҳисоблаган. Аммо якунда у режиссёрнинг қарорига рози бўлади.

Жим Керри — «Гринч Рождество ўғриси»

Жим Керри эса аввалига бу ролга рози бўлади, лекин кейин оғир грим ва иш шароитларига дош беролмайман, деб ўйлайди. «Гринч Рождество ўғриси» оилавий фильмининг суратга олиш жараёнида уни грим эмас, балки тириклайин кўмишаётгандек туюлаверган.

Жим лойиҳани тарк этишга тайёр эди, аммо ечим топилади — суратга олиш майдончасига Керрига агрессийини йўналтиришни ўргатадиган махсус мураббий таклиф қилинади.

Питер Динклэйж — «Тахтлар ўйини»

«Тахтлар ўйини» мухлислари энди бошқа бировни Трион Ланнистер сифатида тасаввур қилишлари даргумон. Худди шу фикрни дастлаб Динклэйжни шу ролда кўрган шоу муаллифлари ҳам айтишган. Аммо унинг ўзи бундай деб ўйламаган.

Актёр узоқ вақт ўйлайди, чунки у ўзининг ташқи кўриниши билан бундай стереотипик ролни ўйнашни хоҳламасди. У айниқса соқол қўйишни истамаган, учли пойабзал ва образининг бошқа деталлари ҳам актёрга ёқмаган. Аммо кейин у сюжетга шўнғиб кетиб, персонажини ўрганиб чиқади ва «ҳа» деб жавоб беради.

Эмма Уотсон — «Гарри Поттер»

Эмма Уотсон «Гарри Поттер» фильмлари сериясида Гермиона ролини ўйнаш орқали машҳурликка эришди. Аммо 4-қисмдан кейин у лойиҳани тарк этиб, тақдирига айланаётган ролидан воз кечишни хоҳлайди. Маълум бўлишича, Эмма ҳаётда ҳам қаҳрамонига ўхшаб қолган, ўқишда муваффақият қозониш асосий мақсадига айланган.

Аммо охир-оқибат мухлислар ва суратга олиш гуруҳининг омади келди — Уотсон фильмда қоладиган бўлди. Шу билан бирга, у ўз мақсадларидан воз кечмади ва инглиз адабиёти бўйича диплом олди.

Леонардо Ди Каприо — «Титаник»

«Титаник»ни Леонардо Ди Каприосиз тасаввур ҳам қилиб бўлмайди. Аввалига ёш актёр мелодрамани рад этиб, жиддий драматик лойиҳаларда иштирок этишни хоҳлаган.

Бироқ режиссёр Жеймс Кемерон шуҳратпараст йигитни «Титаник»да ўйнашга кўндира олди, бунинг учун унга ташаккур айтсак арзийди.

Женнифер Лоуренс — «Ҳаёт-мамот ўйинлари»

Фарзандини ролга рози қилгани учун раҳмат айтиш керак бўлган яна бир аёл бор — Женнифер Лоуренснинг онаси. Ўша пайтларда актриса асосан кичик фильмларда рол ўйнаган, у ердаги кичик бюджет ва жаҳон юлдузларининг йўқлиги унга ёқарди. Женнифер «Ҳаёт-мамот ўйинлари»да қатнашишдан бош тортганида, онаси уни иккиюзламачиликда айблаган. Кейин қиз яхшилаб ўйлаб кўради ва фикрини ўзгартиради.

Эмма Стоун — «Ла-Ла Ленд»

Стоун «Ла Ла Ленд» дан олдин ҳам машҳур эди, лекин айнан шу рол актрисага «Оскар» мукофотини олиб келди. Эмма лойиҳани ёқтирмаган дейиш нотўғри, шунчаки бунга жисмонан улгурмайман деб ўйлаган.

У Бродвейдаги «Кабаре»да банд эди, бир вақтнинг ўзида икки жойда қўшиқ айтиш ва рақсга тушиш унга имконсиз иш бўлиб туюлади. Аммо режиссёр Демен Шазелл таслим бўлмайди, рад жавобидан кейин у иккинчи учрашувни ташкил қилди, унда Эммага саундтрекларнинг демосини кўрсатади ва актриса розилик беради.