O‘zini jahon yulduziga aylantirgan filmlarda ishtirok etishni istamagan aktyor va aktrisalar (foto)

Ba’zida filmning yaratilish tarixi filmning o‘zi kabi hayajonli bo‘ladi. Ba’zi aktyorlar arzimagan gonorar evaziga kichik rollarga rozi bo‘lishadi va yulduzga aylanishadi. Ayrimlari ajoyib loyihalarni rad etishadi va boshqa bunday takliflarni olishmaydi. Boshqalar esa rolga rozi bo‘lishdan oldin uzoq vaqt o‘ylashadi, lekin shunga qaramay, ular qaror qiladilar va faqat g‘alaba qozonishadi.

Richard Gir  — “Go‘zal ayol”

Richard Gir bu loyihaga aralashishni umuman istamagan. Unga ssenariy ham, qahramon ham yoqmagan — ularni ikkinchi darajali va bo‘sh deb hisoblagan. Ammo Girga bu rolni bir necha bor taklif qilgan rejissor Garri Marshall taslim bo‘lmaydi va qolganini Julia Robertsga qo‘yib beradi.

U aktyorlarni tanishtirib, ularni yolg‘iz qoldiradi, keyin Julia Girga “Iltimos, ha deb ayt” deb yozilgan qog‘oz tashlab ketadi, shundan so‘nggina aktyor taslim bo‘ladi. Aslida u faqat Roberts uchungina rozi bo‘lgan.

Al Pachino — “Cho‘qintirgan ota”

Aktyorga “Cho‘qintirgan ota” franshizasi yoqqan va unda o‘ynashni xohlagan, ammo boshqa rolni. Aktyor unga Maykldan ko‘ra uning katta akasi, jahldor Sonnining roli ko‘proq mos keladi, deb hisoblagan. Ammo yakunda u rejissorning qaroriga rozi bo‘ladi.

Jim Kerri — “Grinch Rojdestvo o‘g‘risi”

Jim Kerri esa avvaliga bu rolga rozi bo‘ladi, lekin keyin og‘ir grim va ish sharoitlariga dosh berolmayman, deb o‘ylaydi. “Grinch Rojdestvo o‘g‘risi” oilaviy filmining suratga olish jarayonida uni grim emas, balki tiriklayin ko‘mishayotgandek tuyulavergan.

Jim loyihani tark etishga tayyor edi, ammo yechim topiladi — suratga olish maydonchasiga Kerriga agressiyini yo‘naltirishni o‘rgatadigan maxsus murabbiy taklif qilinadi.

Piter Dinkleyj — “Taxtlar o‘yini”

“Taxtlar o‘yini” muxlislari endi boshqa birovni Trion Lannister sifatida tasavvur qilishlari dargumon. Xuddi shu fikrni dastlab Dinkleyjni shu rolda ko‘rgan shou mualliflari ham aytishgan. Ammo uning o‘zi bunday deb o‘ylamagan.

Aktyor uzoq vaqt o‘ylaydi, chunki u o‘zining tashqi ko‘rinishi bilan bunday stereotipik rolni o‘ynashni xohlamasdi. U ayniqsa soqol qo‘yishni istamagan, uchli poyabzal va obrazining boshqa detallari ham aktyorga yoqmagan. Ammo keyin u sujetga sho‘ng‘ib ketib, personajini o‘rganib chiqadi va “ha” deb javob beradi.

Emma Uotson — “Garri Potter”

Emma Uotson “Garri Potter” filmlari seriyasida Germiona rolini o‘ynash orqali mashhurlikka erishdi. Ammo 4-qismdan keyin u loyihani tark etib, taqdiriga aylanayotgan rolidan voz kechishni xohlaydi. Ma’lum bo‘lishicha, Emma hayotda ham qahramoniga o‘xshab qolgan, o‘qishda muvaffaqiyat qozonish asosiy maqsadiga aylangan.

Ammo oxir-oqibat muxlislar va suratga olish guruhining omadi keldi — Uotson filmda qoladigan bo‘ldi. Shu bilan birga, u o‘z maqsadlaridan voz kechmadi va ingliz adabiyoti bo‘yicha diplom oldi.

Leonardo Di Kaprio — “Titanik”

“Titanik”ni Leonardo Di Kapriosiz tasavvur ham qilib bo‘lmaydi. Avvaliga yosh aktyor melodramani rad etib, jiddiy dramatik loyihalarda ishtirok etishni xohlagan.

Biroq rejissor Jeyms Kemeron shuhratparast yigitni “Titanik”da o‘ynashga ko‘ndira oldi, buning uchun unga tashakkur aytsak arziydi.

Jennifer Lourens — “Hayot-mamot o‘yinlari”

Farzandini rolga rozi qilgani uchun rahmat aytish kerak bo‘lgan yana bir ayol bor — Jennifer Lourensning onasi. O‘sha paytlarda aktrisa asosan kichik filmlarda rol o‘ynagan, u yerdagi kichik budjet va jahon yulduzlarining yo‘qligi unga yoqardi. Jennifer “Hayot-mamot o‘yinlari”da qatnashishdan bosh tortganida, onasi uni ikkiyuzlamachilikda ayblagan. Keyin qiz yaxshilab o‘ylab ko‘radi va fikrini o‘zgartiradi.

Emma Stoun — “La-La Lend”

Stoun “La La Lend” dan oldin ham mashhur edi, lekin aynan shu rol aktrisaga “Oskar” mukofotini olib keldi. Emma loyihani yoqtirmagan deyish noto‘g‘ri, shunchaki bunga jismonan ulgurmayman deb o‘ylagan.

U Brodveydagi “Kabare”da band edi, bir vaqtning o‘zida ikki joyda qo‘shiq aytish va raqsga tushish unga imkonsiz ish bo‘lib tuyuladi. Ammo rejissor Demyen Shazell taslim bo‘lmaydi, rad javobidan keyin u ikkinchi uchrashuvni tashkil qildi, unda Emmaga saundtreklarning demosini ko‘rsatadi va aktrisa rozilik beradi.