Киноижодкорларга арзимасдек туюладиган, аммо бутун дунё эътибор берадиган фильмдаги ҳолатлар (фото)

Кино ва телекўрсатув қаҳрамонлари экран қаршисидаги томошабинга супер кучга эга бўлиб туюлади. Ҳақиқатан ҳам, экрандагилар терламайди ёки қизариб кетмайди, одатда эр-хотиннинг тонги бахтиёр тарзда, самимий табассум билан тиш ювишдан бошланади. Баъзан эса ҳақиқатда тасаввур қилиб бўлмайдиган нарсаларни корганимизда шунчаки чидаб туролмаймиз.

Қаҳратонда ҳам бош кийимсиз

Албатта, ҳамма суратга олиш павильонларда ўтказилишини, қор фақат суний тарзда ёки компьютер графикаси ёрдамида яратилишини тушунади. Аммо сценарийга кўра, қаҳрамонлар қор бўрони пайтида йўлга чиққан бўлса қалпоқ, қўлқоп ва шарф йўқлиги жуда ғалати. Томошабинларнинг фильмларда қишки совуқнинг нима учун бунчалик ҳақиқатга тўғри келмаслигини тушуниши учун йиллар керакдир, балки.

Ҳеч ким емайдиган ҳашаматли нонушталар

Қаҳрамон камзулини елкасига ташлаб, нонушта қилиш учун ошхонага тушади. Шошилиб булочка тишлайди, қаҳвадан бир қултум ичади ёки ҳеч нарса емайди, шунчаки газета ўқийди. Хотини эса эри учун гўшт ва тухум, янги тост, ширинликлар ва мевали салат тайёрлаш учун эрталаб 5 дан бери ухламаган. Аммо у буларнинг ҳеч бирига эътибор бермайди — бундан ҳам муҳимроқ ишлар бор. Қизиқ, хотини шунча сабрни қаердан оларкан?

Тиш пастасиз тишларни тозалаш

Қаҳрамон тишларини тозалаган саҳналарни кўпчилик ғазаб билан томоша қилса керак. Чунки улар бир грамм пастасиз бўш чўтка билан тишларини қандай ювишга муваффақ бўлишлари мутлақо тушунарсиз. Иягидан оқаётган кўпик ишониш учун етарли эмас, чунки қаҳрамон ювиниш хонасига кириб, чўткасини олиб, дарров оғзига солиши жуда ғалати.

Тутқичсиз қоғоз пакет

Сюжетга кўра, қаҳрамон бир ҳафталик озиқ-овқат сотиб олишга кетса ҳам, охирида биз унинг қўлида жигарранг қалин қоғозли битта чиройли пакетни кўрамиз. Шунда барча озиқ-овқатлар ерга сочилади ва албатта, кимдир ёрдамга келади.

Ҳашаматли квартира

Қанча пулингиз борлиги муҳим эмас. Сиз официант, банк ходими, рассом ёки молиявий таҳлилчи бўласизми, ҳеч бўлмаганда ёқимли, яхши жиҳозланган, шинамгина уйга эга бўлишингиз мумкин. Машинадан-ку, хавотир олманг. Хароба уйлар ва эски чойшабларга кўзингиз тушмайди. Агар қаҳрамон карьерасида омадли бўлса, у ҳолда машина янги, яхшироғига аламштирилади.

Ўсмирлар хонаси доимо тартибсиз

Ҳеч кимга сир эмаски, ўсмирлик пайтимизда хонамизда камдан кам ҳолларда мукаммал тартиб бўлган. Фильмларда деярли барча ўсмирлар шундай яшайди, албатта, аълочилардан ташқари. Улар ҳар доим ҳамма нарсани жой-жойига қўяди.

Ётоқда пойабзал билан ётиш одатий ҳол

Қаҳрамонларнинг уй ичида пойабзалда юришганига бир амаллаб кўзимиз ўрганди. Аммо ётоқда ёки диванда ит билан сайрдан келган пойабзалида ёца — буниси энди ортиқча.

Бош қаҳрамон ҳамма нарсани бирданига ейди

Одатда фильмлардаги эркаклар вазни ҳақида ташвишланиши шарт эмас. Улар энг ёғли фастфуддан тортиб бир нечта стейккача — ҳамма нарсани ейиши мумкин. Аммо қомати худди спортчиларникидай. Бахтга қарши фильмдаги аёл гамбургер ва картошкага қараса, дарҳол бу нарсалар унинг қомати учун қанчалик ёмон эканини эслатиб турадиган маслаҳатчи пайдо бўлади.