«Челси»ни сотиб олишни хоҳлаётган харидорлар маълум бўлди

Саудия Арабистони консорциуми «Челси»ни харид қилиш учун курашга қўшилди.

Goal нашрига кўра, Саудия консорциуми Лондон клубини сотиб олиш учун жиддий қизиқиш билдирган. Хабарда айтилишича, ҳозирда «Челси»ни сотиб олиш истагини билдирган камида 10 та потенциал харидор бор. Жумладан, Америка-Швейцария консорсиуми, «Нью-Йорк Жетс» хўжайини Вуди Жонсон ва туркиялик тадбиркор Муҳсин Байрак ҳам Лондон жамоасига қизиқиш билдирган.

Қайд этиш керак, 2021 йилнинг кузида Саудия Арабистони суверен жамғармаси (PIF) АПЛнинг бошқа бир клуби «Ньюкасл»ни сотиб олганди.

Аввалроқ UFC собиқ чемпиони Конор Макгрегор ҳам Лондон жамоасини харид қилишга тайёрлигини билдирганди.

Эслатиб ўтамиз, 27 февраль куни Абрамович Украинадаги вазият туфайли «Челси» бошқарувини клуб хайрия фондига топширди. 3 март куни эса 2003 йилдан бери бошқариб келаётганини сотишга қарор қилганини маълум қилди.