Германиянинг Гисен университети мутахассислари эски губкани ишлатиш қайси нуқтадан бошлаб соғлиқ учун хавфли бўлишини аниқлади.
Мутахассислар бир ҳафтадан кўпроқ вақт давомида ишлатилган губкаларнинг бактериологик таркибини ўрганишди. Олимлар бактерияларнинг 5 та турини топди. Улар орасида организмнинг заҳарланишига олиб келадиган микроорганизмлар, пневмония, менингит, ЛОР касалликлари ва обструктив бронхит бор.
Тадқиқотчилар губканинг ғовакли тузилишида ёғ ва бактериялар билан озиқланадиган ҳамда бутун колонияларни ривожлантирадиган кичик озиқ-овқат зарралари тўпланиб, ювиш пайтида ошхона идишларига ўтишини аниқлади.Шундай қилиб, олимларнинг фикрига кўра, губкани ишлатиш учун 7 кун мақбул деб ҳисобланади, лекин ундан ортиқ эмас. Акс ҳолда, янги губкалар сотиб олишга озгина пул тежаб, соғлиққа зарар етказиш эҳтимоли бор.
Изоҳ (0)