Uzbekistan Airways авиакомпанияси фуқароларнинг Ўзбекистон ва Россия ўртасидаги авиақатновлар тўхтатилишига оид саволларига муносабат билдирди.
«Uzbekistan Airways Ўзбекистон ва Россия шаҳарлари ўртасида амалга оширилаётган авиақатновлар жадвалга мувофиқ, узилишларсиз амалга оширилишини ва хавотирга ўрин йўқлигини маълум қилади», — дейди компания матбуот котиби Камола Икрамова.
Шунингдек, у авиачипталар билан боғлиқ фирибгарлик ҳолатларининг олдини олиш учун йўловчиларга чипталарни компаниянинг расмий сайтидан 3 фоиз чегирма билан харид қилиш мумкинлигини эслатиб ўтган.
Аввалроқ Россиянинг iFly авиакомпанияси 5 март санасидан бошлаб Ўзбекистонга бажарилиши кутилаётган ҳамда барча режалаштирилган йўналишларда ўз парвозларини номаълум муддатга тўхтатганди. Шунингдек, Smartavia авиакомпанияси ҳам 7 март кунига режалаштирилган Москва—Урганч—Москва йўналишидаги парвозни бекор қилди.
Мавзуга доир:
Изоҳ (0)