7 март куни халқ депутатлари Мўйноқ тумани кенгашининг 41-сессияси бўлиб ўтди. Қорақалпоғистон Жўқорғи Кенгеси раиси Мурат Камалов қатнашган сессияда Бахтияр Менглибеков Мўйноқ туманига ҳокими этиб тайинланди. Бу ҳақда Қорақалпоғистон Республикаси Жўқорғи Кенгеси матбуот хизмати хабар берди.
Бахтияр Менглибеков шу кунга қадар Мўйноқ тумани «Мадели» маҳалла фуқаролар йиғини маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартиш масалалари бўйича ҳоким ёрдамчиси лавозимида фаолият юритган.
Шунингдек, Камал Алланиязов Қорақалпоғистон Бўзатов тумани ҳокими этиб тайинланган.
Камал Алланиязов шу кунга қадар «Эркиндарё чорва» чорвачилик ва деҳқончиликка ихтисослаштирилган масъулияти чекланган жамияти раҳбари лавозимида фаолият юритган.
Бўзатов туманида 2019 йилдан бери ҳокимлик қилиб келган Маҳмуд Қайпанов бошқа ишга ўтгани айтилмоқда.
Аввалроқ Аманбай Оринбаев Қорақалпоғистон Ички ишлар вазирлигига раҳбар этиб тайинлангани тўғрисида хабар берилганди.
Изоҳ (0)