Рубль сўмга нисбатан қадрсизланишда давом этмоқда

Марказий банк хорижий валюталарнинг ўзбек сўмига нисбатан 8 мартда амалда бўладиган қийматини белгилади.

Унга кўра, рублнинг сўмга нисбатан қиймати 19,21 сўмга пастлаб 79,89 сўм бўлди. Шу тариқа рубль 2017 йилги валюта либераллашувидан кейин ўзининг тарихий энг паст даражасига тушди.

28 февраль, душанба куни рублнинг қиймати 130,6 сўм эди. 1 март куни эса 21,46 сўмга кескин пастлаб, 108,6 сўмга тушган эди. Чоршанба куни рубль 6,51 сўмга кўтарилиб, 115,11 сўм бўлган эди. 

Ўтган ҳафтада рублнинг сўмга нисбатан қиймати тушишда давом этди. Пайшанба ва жума куни унинг қиймати мос равишда 15,38 сўм ва 6,69 сўмга пасайиб, 93,04 сўмгача тушиб кетган эди.

Аввалроқ Ўзбекистонда рубль деярли 100 сўмга қайтгани ҳақида хабар берилган эди.