Rossiyaning Red Wings aviakompaniyasi O‘zbekiston va Armaniston xalqaro yo‘nalishlarida parvozlarni davom ettirishini ma’lum qildi, deb xabar bermoqda “RIA Novosti”.
“Biz xalqaro yo‘nalishlarda parvozlarni davom ettiramiz. Moskva, Yekaterinburg, Maxachqal’a, Samara va Sochidan reyslar Armaniston (Yerevan, Gyumri) va O‘zbekistonning yirik shaharlariga jadval bo‘yicha jo‘naydi”, — deyiladi kompaniya xabarida.
Qayd etilishicha, parvozlar Rossiyaning SSJ100 samolyotlarida amalga oshiriladi. Ularning barchasi Rossiyaning aviatsiya reyestrida ro‘yxatga olingan, Rossiya moliya institutlariga tegishli va Rossiya sug‘urta kompaniyalari tomonidan sug‘urtalangan.
Hozirda amalda bo‘lgan koronavirus cheklovlari tufayli xalqaro reyslar charter reyslar maqomiga ega.
Bundan avval Rossiyaning S7 Airlines kompaniyasi O‘zbekistonga barcha reyslarni may oyigacha bekor qilgani haqida xabar berilgan edi.
Izoh (0)