Муваффақиятга эришиш учун қисқа муддатда катта вазн йўқотган машҳурлар (фото)

Кўпгина юлдузлар роли учун ҳамма нарсани қилишга тайёр, баъзилари эса бир неча ҳафта ичида 20 килограммгача вазн йўқотади. Бугунги қаҳрамонлар ҳам муваффақиятга эришиш учун кескин вазн ташлаган. Аммо бу оч қолишга, ҳаттоки аянчли касаллик орттиришга арзийдими?

Крис Пратт

Суперқаҳрамон Крис Праттнинг ўзгариши «Галактика қўриқчилари» нинг барча мухлисларига маълум. Узоқ вақт давомида ҳеч ким комик актёрни ортиқча вазни туфайли жиддий қабул қилмади: унга фақат аҳмоқ ва семиз одам каби ёрдамчи роллар берилди. Бироқ 2013 йилда Marvel актёр билан қизиқиб қолган ва унга шартнома таклиф қилган. Крис муваффақият учун диета ва машғулотларга жиддий ёндашди. Олти ойлик бодибилдинг ва кардио машғулотлари уни жуда чиройли қоматга эга одамга айлантирди. Жамоатчилик эътиборининг ақл бовар қилмайдиган даражада ортиши ва орзу қилинган рол муносиб мукофот эди. 2017 йилда Голливуд актёри ҳатто Шон-шуҳрат хиёбонида ўз юлдузига ҳам эга бўлди.

Жаред Лето

Жаред Лето ижодий фаолиятида бир неча бор вазн йўқотган ва семирган. Актёр биринчи марта «Орзудаги Реквием» фильмига тайёргарлик кўраётганда парҳезга ўтди. Унга «27-боб» фильмида Жон Ленноннинг қотили ролини таклиф қилишган, бунинг учун у 30 килограммгача вазн олиши керак эди. Ўз вазнига қайтиш учун юлдуз сув, лимон шарбати, сироп ва суюқ диетага ўтиши керак эди.

Лекин «Даллас сотувчилар клуби» фильмидаги роли учун Жаред овқатдан бутунлай воз кечди ва фақат сув ичди, шунинг учун бир неча ҳафта ичида яна 14 килограммни йўқотди. Афсуски, бундай ўзгаришлар актёрнинг соғлиғига таъсир қилди ва у подагра касаллигини орттириб олди.

Адел

Кўплаб мусиқа ва кино мукофотлари совриндори Адел дўмбоққина кўриниши билан танилган. Бироқ бир вақтнинг ўзида қўшиқчи озишга қарор қилди ва 2017 йилда «Гремми» мукофотида уни янги қиёфада кўришди. Аделнинг айтишича, у кўпроқ пилатес билан шуғулланган ва ширинликлардан воз кечган. «Мен чой ичишни тўхтатдим ва бу ёрдам берди. Кулманг. Тасаввур қилинг. Мен кунига ўн пиёла чой ичишим мумкин эди. Ҳар бир стаканда икки куб шакар. Бу кунига 20 та куб шакар дегани! Қўшимчасига қаймоқ ҳам ... » — дейди қўшиқчи.

Эд Ширан

Эд Ширан ўзидаги ортиқча 20 килодан халос бўлди. Поп мусиқачиси яқинда «Тахтлар ўйини»да кичик рол ўйнади. Сериал мухлислари юлдузнинг номаълум аскар Ланистер ролида пайдо бўлишига норозилик билдирди, шундан сўнг у Instagram’ини ўчириб ташлади ва ҳаётни нолдан бошлади. У югуриш билан шуғулланди. Очиқ ҳавода машғулотлар ажойиб натижа берди: интилувчан актёр ва қўшиқчи вазн йўқотишга эришди.

Натали Портман ва Мила Кунис

Натали Портман ва Мила Кунис «Қора оққуш» фильмидаги балерина роллари учун деярли ортиқча вазнсиз бўлишлари керак эди. Ҳар куни 8 соат давомида машаққатли машғулотлар ва қаттиқ парҳез қизларни деярли анорексияга олиб келган. Натали 10 килограмм, Мила эса 20 килограммни йўқотди. Бироқ барча меҳнат беҳуда кетмади ва фильм муносиб баҳоланди. Ҳозирда улар аввалги вазнига қайтишди ва энди парҳезда эмас.

Энн Хетеуэй

«Хўрланган» мусиқий фильмидаги роли учун Энн Хетеуэй суратга олиш бошланишидан 20 кун олдин узун сочларидан айрилиши ва 10 килограмм вазн йўқотиши керак эди! Албатта, бу диетологларнинг ёрдамисиз бўлмасди, лекин чарчаган организм бундай ўзгаришларга дош бера олмади ва актриса суратга олиш майдончасида бир неча марта ҳушидан кетди. У кунига атиги иккита олма ва оқсилли коктейл истеъмол қиларди.