Баҳор фаслида офис учун мўлжалланган гардеробингизни янгиламоқчимисиз? Расмий услубнинг тимсоли бўлган қиролича Летициянинг образидаги ўзига хосликлар, албатта, сизга ҳам керак бўлади.
Замонавий шимлар танлаш керак. Бел қисми юқори, юмшоқ белбоғли бу замонавий услублар кўйлак ва блузкалар билан бирлаштириш учун жуда мос келади. Ушбу шимларнинг яна бир афзаллиги шундаки, очиқ тўпиқлар ва баланд бел оёқларни визуал равишда узун кўрсатади. Шунингдек, гардеробнинг қолган қисмига мос келадиган нейтрал ранг танлаш ҳам муҳим.
Тўқ рангли офис костюмларидан воз кечиш вақти келди. Агар бир хил рангдаги костюм ва шим киймоқчи бўлсангиз, баҳор кайфиятига мос ёрқин ранг танланг. Айни вақтда, пушти ва оч сиёҳранг трендда. Идеал ҳолда, ўхшаш рангдаги пойабзалларни топиш ҳам мумкин.
Қора ва кўк рангли шимларни нафис матолардан тикилган очиқ рангли блузкалар билан мослаш тўғри қарор. Шунингдек, бир хил рангдаги шим билан турли нақш ёки гуллар тасвири туширилган кофталарни синаб кўриш мумкин. Қолаверса, комбинация дастлаб ўз эгасига қулай бўлиши керак.
Плисси юбкалар офис услубига жуда мос келади. Ёрқин ва шаффофликсиз зич матодан тайёрланган моделлар эса трендда. Ипак ёки атласдан тикилган нафис блузка юбка учун яхши қўшимча бўлади. Образни янада бойитиш учун сумка ҳам тақиш мумкин.
Агар иш куни пештахта ёки стол атрфда ўтса, турли принтли юбкаларни ҳам гардеробга қўшиш мумкин. Бу доимий тўқ рангдан зерикканлар учун айни муддао.
Ҳатто энг оддий кийим ҳам қўшича элементлар туфайли замонавий ва назокатли кўринади: бўйин чизиғининг ассиметрик кесими, белни таъкидлайдиган камар ёки замонавий заргарлик буюмлари.
Изоҳ (0)