Фарғонада Кореяга ишга юборишни ваъда қилиб, фуқародан 2500 доллар олган шахсга жиноят иши қўзғатилди. Бу ҳақда «Дарё»га вилоят ИИБ ахборот хизмати хабар бермоқда.
Қайд этилишича, Марғилон шаҳрида яшовчи С.Ф. ички ишлар бўлимига мурожаат қилиб, номаълум шахс укаси С.Б.ни ваколатли танишлари орқали Корея давлатига ишлашга юборишни ваъда қилганини, эвазига эса ундан 2 минг 500 доллар олиб, пулларни эҳтиёжлари учун сарфлаб юборганини билдирган.Олиб борилган тезкор қидирув ҳаракатлари давомида ушбу жиноятни М.А. содир этганлиги аниқланган.
Мазкур ҳолат юзасидан Қува тумани ИИБ ҳузуридаги тергов бўлими томонидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)