Ўзбекистон президенти ҳузуридаги Стратегик ва минтақалараро тадқиқотлар институти бўлим бошлиғи Комилжон Арипов Шавкат Мирзиёевнинг БМТ Аксилтеррор бошқармасининг республикада ҳудудий ваколатхонасини ташкил этиш ташаббуси муҳимлиги ва долзарблигини тасдиқлади.
Экспертнинг фикрича, сўнгги йилларда дунёда халқаро терроризм мавқейини мустаҳкамлашга фойдали таъсир кўрсатаётган бир қатор омиллар пайдо бўлди. Булар — давлатлараро қарама-қаршиликлар ва улар билан боғлиқ кескинлик, ҳарбий можаро ўчоқлари ҳамда иқтисодий инқирозни келтириб чиқарган пандемия.
«Терроризм ва экстремизм таҳдиди дунё учун ҳам, Марказий Осиё давлатлари учун ҳам ҳақиқат эканлиги нимани англатади? Исроил ҳукумати статистикасига кўра, ИШИД томонидан 2021 йилда Афғонистонда 365 теракт амалга оширилган. Уларда 2,2 минг киши ҳалок бўлган, бу 2020 йилгидан анча кўп. 2020 йилда ИШИД 83 та теракт амалга оширган, уларда 835 киши ҳалок бўлган. Яъни ИШИД фаоллиги ошган. Бундан ташқари, Қозоғистонда содир бўлган январь воқеалари минтақа давлатларида яширин террор ячейкалари мавжудлигини кўрсатди.
Давлатлар ушбу таҳдидларга Глобал аксилтеррор стратегиясини мувофиқлаштирилган ҳолда амалга ошириш орқали жавоб беришади. 2011 йилда эса, Ўзбекистон раҳбари таъкидлаганидек, Марказий Осиё ушбу стратегияни амалга ошириш бўйича Қўшма ҳаракатлар режасини (ҚҲР) қабул қилиб, муваффақиятли минтақавий ёндашув намунасини кўрсатди.
ҚҲР доирасида терроризмнинг олдини олиш ва унга қарши курашиш бўйича тизимли ишлар олиб борилмоқда, хусусан, ҳар бир иштирокчи давлатда норматив-ҳуқуқий база яратилган. Масалан, Ўзбекистонда ‘Экстремизмга қарши курашиш тўғрисидаъги қонун, шунингдек, 2021–2026 йилларга мўлжалланган Экстремизм ва терроризмга қарши курашиш миллий стратегияси қабул қилинди.
Марказий Осиёнинг барча давлатлари бу борадаги асосий халқаро-ҳуқуқий ҳужжатларни ратификация қилган ва деярли барчаси ШҲТнинг терроризм ва экстремизмга қарши кураш бўйича конвенцияларига қўшилган.
Терроризмга қарши кураш стратегиясини янада ривожлантириш ҚҲРни амалга оширишда доимий мониторинг ва танқидий баҳолашни кучайтиришни назарда тутади. Президентнинг таклифи эса шу мақсадни амалга оширишга қаратилган.
Шунингдек, президент ташаббуси БМТнинг Глобал аксилтеррор стратегияси билан ҳамоҳанг бўлиб, унда терроризмга қарши курашда давлатларнинг салоҳиятини кучайтириш ва БМТ тизимининг ролини кучайтириш ҳақида сўз боради.
Шундай қилиб, БМТнинг терроризмга қарши кураш бошқармаси офисининг ташкил этилиши Марказий Осиё мамлакатларига янада мувофиқлаштирилган ҳаракатларни ишлаб чиқиш ва шу билан бирга ўз фуқароларининг хавфсизлиги ва фаровонлик даражасини ошириш имконини беради», — дейди Комилжон Арипов.
Изоҳ (0)