Қимматбаҳо металлар учун қимматбаҳо профессионал тозалаш воситаларини сотиб олишнинг ҳожати йўқ. Уларни уйдаги мавжуд нарсалар билан ҳам тозалаш мумкин.
Кумуш
Чуқур шиша идишнинг пастки қисмига бир неча марта букланган фольга қоғози солинади. Унга 1 ош қошиқ майда туз ва 1 ош қошиқ ичимлик содаси қолинади. Кумуш тақинчоқлар устидан солиниб, (кўзсиз тақинчоқлар) қайноқ сув қуйилади. 10-15 дақиқадан сўнг кумуш тоза сувда ювилади.
Тилла
Тилл буюмларнинг (қимматбаҳо тошлар билан безатилган) ёрқинлигини тиклаш учун уни пивога намланган мато билан ишқалаш тавсия этилади. Тилладаги кирлар бартараф этилганидан сўнг, уни сувда ювмасдан қуруқ мато ёки қоғоз салфетка билан артиш лозим.
Олмос кўзли узук
Қимматбаҳо тошли узук сотиб олингандан кейинги биринчи кундагидек порлаши учун уни ҳар қандай суюқ совуннинг 2-3 томчиси ва дераза тозаладиган восита аралашмасида ювиш керал. Бир неча дақиқа ичида олмос камалакнинг барча ранглари билан порлайди! Агар тош атрофидаги металл жуда хира бўлса, аввал ҳалқа юмшоқ чўткага суртилган тиш пастаси билан тозаланади.
Қимматбаҳо тошлар
Қимматбаҳо тошлар, худди металл каби, хиралашиши ва ва кир йиғиши мумкин. Олмос, ёқут, сафир ва зумрадларни асл ёрқинлигига қайтариш учун заргарлик буюмларини бир кечада газланган сувда намлаш кифоя.
Декоратив заргарлик буюмлари
Декоратив заргарлик буюмлари тайёрланадиган металл қотишмалари кумуш ва мис зарраларини ўз ичига олиши мумкин. Ҳаво ва тери ёғи билан алоқа қилганда, улар оксидланади ва рангида ўзгариш юз беради. Уларни лимон эфир мойи билан олиб ташлаш мумкин.
Чуқур идишнинг 1/3 қисмини сув билан тўлдирилади. Суюқликка бир неча томчи эфир мойи қўшилади. Унга заргарлик буюмлари солинади ва 5-10 дақиқага қолдиринлади. Шундан сўнг металлни юмшоқ тиш чўткаси ва юмшоқ сочиқ билан артилади.
Арзон металлардан ясалган заргарлик буюмлари ҳам бўр эритмаси билан янгилаш мумкин. 2 ош қошиқ бўр 100 мл сувда суюлтирилади, заргарлик буюмларини 2-3 дақиқа давомида суюқликка ботирилади, сўнгра сирт юмшоқ тукли чўтка билан артилади. Бўр қолдиқлари сув билан ювилади.
Swarovski кристаллари
Swarovski заргарлик уйи кристаллари жуда эҳтиёткорлик билан тозалашни талаб қилади. Тошлар бармоқ тегинишларига, косметика, денгиз суви, уй кимёвий моддалари ва қуёш нурига таъсирига тоқат қилмайди. Уйда кристалларни суюқ кристалли совун эритмаси билан ювиш ва юмшоқ мато билан қуритиш мумкин.
Ҳар қандай қимматбаҳо металл
Ушбу рецепт универсал ва металл туридан қатъи назар, ҳар қандай заргарлик буюмларига мос келади. Бир чой қошиқ оқартирувчи тиш пастаси сувда эритилиб, заргарлик буюмлари 15-20 дақиқа давомида намланади. Шундан сўнг сирт юмшоқ чўтка ёки микрофибер мато билан тозаланадива тоза сувда ювилади.
Яна бир самарали усул мавжуд. Кумуш ёки тилланинг доғларини 0,5 стакан тоза аммиак ва 1 стакан илиқ сувдан иборат эритмада 10 дақиқа давомида намлаш орқали олиб ташлаш мумкин. Кейин металл юмшоқ, қуруқ мато билан артиб олинади.
Аммо бу усул марваридли заргарлик буюмлари учун мос эмас, аммиак юқори порлоқ қатламга зарар етказиши мумкин.
Марварид
Табиий марваридлар жуда нозик материалдир ва уни уйда шароитида тозалаш осон эмас. Мутахассислар марваридларни ишқалашни, ўткир ювиш воситаларини қўллашни маслаҳат бермайди.
Марваридларни янги ҳолатига қайтариш учун уларни нейлон пайпоққа солиб, болалар шампуни билан сувда ювилади. Бармоқлар билан дурлар юмшоқ ва мулойимлик билан ишқаланади, сўнгра тақинчоқ пайпоқ ичида тоза сувда ювилади.
Изоҳ (0)