Инсоннинг биринчи таассуротлари 6—8 сонияда шаклланади ва кейин уни ўзгартириш жуда қийин, дейилади. Шунинг учун аҳамиятсиз бўлиб туюладиган деталларга ҳам эътибор бериш жуда муҳим, акс ҳолда бу образни бузиши мумкин.
AdMe нашри кўчага чиқаётганда муаммога дуч келмаслик учун нималарга эътибор бериш кераклиги ҳақидаги лайфхаклар билан ўртоқлашади.
Шорти билан колготка кийиш
Колготкаларнинг тепа қисмида қалинроқ материалдан тайёрланган «панталон»и бўлади. У қорин бўшлиғи, бел ва бўкса чизиғини ушлаб туриш ёки кўйлак ёпишиб қолмаслиги учун керак (кўпинча бир вақтнинг ўзида иккаласи учун ҳам). Аммо кўпчилик юбка, калта кўйлак ёки шорти билан кийганда хато қилади, кийим остидан «панталон»нинг чети кўриниб қолади. Бу эса жуда хунук ва тартибсизлик белгиси ҳисобланади.
Пошнаси нотўғри танланган пойабзал
Кам одам эътибор берадиган, аммо жуда керакли маълумот. Пошнали пойабзал — жуда инжиқ нарса ва ҳамма нарсага мос келавермайди. Замш оёқ кийимдаги оч рангли пошна жуда оддий ва арзон кўринади, тўқ рангдаги пойабзал учун мос эмас. Аммо қора ёки тўқ жигарранг рангли пошна туфлилар, ҳатто ботилёнлар билан ҳам яхши кўринади.
Оғир сирғалар
Бундай аксессуарнинг асосий хавфи зиракларнинг оғирлигига боғлиқ. Улар катта кўриниши мумкин, аммо енгил бўлиши керак. Акс ҳолда сирғалар қулоқни пастга тортади ва қулоқ тешигини сезиларли даражада кўрсатади.
Ўлчами мос бўлмаган узуклар ва билагузуклар
Баъзан нотўғри ўлчамдаги заргарлик буюмларини танлаймиз ёки танамизда содир бўладиган баъзи табиий ўзгаришларга эътибор бермаймиз. Аммо қўл ва бармоқни сиқиб турадиган узук ёки билагузук тақсангиз, бу бошқалар кўз ўнгида ортиқча вазнга эга эканлигингизни таъкидлайди.
Чизилган пошналар
Ҳатто шаҳарда ҳам ҳар доим ҳам идеал йўллардан юрмаймиз. Жамоат транспортида эса пойабзалнинг ташқи кўринишини бузиши мумкин бўлган ҳолатларга тўла. Пойабзалнинг устига эътибор берсак-да, кўпинча пошнасини унутамиз. Аммо пошнадаги тирналиш бошқаларнинг эътиборини тез тортади.
Бурмалар
Ҳақиқатан ҳам замонавий кўринишга эга бўлган бурмалар ва йиртилган кийимларнинг маълум бир тури мавжуд. Лекин бу шкафдаги ҳар қандай ғижимланган футболкани кийиб, чиройли кўринишга эга бўлишингиз мумкин дегани эмас. Оддий дазмолланмаган кийимлар ва махсус тикилган бурмалар ўртасидаги фарқ ҳатто профессионал бўлмаганларга ҳам сезилади. Чарм кийимлардаги бурмалар эса жуда тартибсиз кўринади.
Синган тирноқ
Тирноқлар имижнинг шунчалик кичик ва аҳамиятсиз қисми деб ўйлашингиз мумкин, албатта. Бироқ ундай эмас: кўпчилик қўлларга эътибор беради. Мисол учун, синган тирноқ сизни тартибсиз кўрсатиши ва тоза юрмайдиган одам қиёфасини яратиши мумкин. Бунга йўл қўймаслик учун ҳар доим ўзингиз билан пилка олиб юриш тавсия этилади.
Қўлдаги пакет ёки ипли сумка
Керакли нарсаларингизни ўзингиз билан сумкада олиб юрасизми? Бундай қила кўрманг. Ҳар қандай сумка, пакет ёки рюкзак кўринишнинг муҳим қисми бўлиб, уни осонгина бузиши мумкин. Нима билан боришингизни олдиндан ўйлаб олиш, нима кийишингизни ўйлашчалик муҳим бўлиши лозим. Учрашувларга борганингизда пакет, айниқса шаклсизлари ёки сумка олмаслкка ҳаракат қилинг. Улар дўконга бориш учун қулай, лекин образингизни бузмаслиги керак.
Ўтказилмаган камар ҳалқаси
Афтидан, бу мутлақо аҳамиятсиз нарса бўлиб туюлиши мумкин. Аммо бундай майда нарсалар ҳам инсоннинг умумий фикрига таъсир қилади. Эътиборсизлик, шошқалоқлик, шунчаки ташлаб кетилган ҳалқа идеал образингиз шу каби кичик деталь билан бузилишига олиб келади.
Қуёш нури сабаб юбка остидан оёқларнинг кўриниши
Одатда бу энг номақбул вақтда содир бўлади. Ва кўпинча кутилмаганда. Баъзи матолар қалинлиги ҳақида алдамчи таассурот қолдиради, лекин аслида улар қуёшда кийимнинг юқори қавати остида нима борлигини ҳаммага кўрсатиши мумкин. Бундай эътиборсизлик шармандаликка олиб келиши ёки сиз ҳақингизда нотўғри таассурот қолдириши мумкин.
Изоҳ (0)