Фарғона вилояти Қува туманида тадбиркорга имтиёзли кредит олиб беришни ваъда қилган етакчи мутахассис ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, 27 февраль куни Бош прокуратура ҳузуридаги департамент ҳамда Давлат хавфсизлик хизматининг Қува тумани бўлимлари томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган. Унда «Микрокредитбанк» АТБнинг Фарғона вилояти минтақавий филиалининг А.С. исмли етакчи мутахассиси З.С. МЧЖ раҳбари Б.нинг ишончига кириб, унга танишлари ёрдамида Фарғона шаҳридаги тижорат банкларидан 1 миллиард сўм имтиёзли кредит олиб беришни ваъда қилгани аниқланган. У хизмати эвазига 30 миллион сўм сўраган.
А.С. олдиндан 1500 долларни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Жиззахда тадбиркорга 200 млн сўм имтиёзли кредит олиб бериш учун 600 доллар сўраган давлат солиқ катта инспектори ушланди
- Андижонда фуқаронинг МИБ ҳисобига ўтказиб юборган ортиқча 7,5 миллион сўмни қайтариш учун 3 млн сўм талаб қилган банк юристи ва МИБ ходими қамоққа олинди
- Тошкентда ипотека кредити ажратиб бериш эвазига фуқародан 2 минг доллар талаб қилган банк бўлими бошлиғи ушланди
Изоҳ (0)