Farg‘ona viloyati Quva tumanida tadbirkorga imtiyozli kredit olib berishni va’da qilgan yetakchi mutaxassis ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, 27-fevral kuni Bosh prokuratura huzuridagi departament hamda Davlat xavfsizlik xizmatining Quva tumani bo‘limlari tomonidan tadbirkorlik subyektlarining huquqlarini himoya qilish yuzasidan tezkor tadbir o‘tkazilgan. Unda “Mikrokreditbank” ATBning Farg‘ona viloyati mintaqaviy filialining A.S. ismli yetakchi mutaxassisi Z.S. MChJ rahbari B.ning ishonchiga kirib, unga tanishlari yordamida Farg‘ona shahridagi tijorat banklaridan 1 milliard so‘m imtiyozli kredit olib berishni va’da qilgani aniqlangan. U xizmati evaziga 30 million so‘m so‘ragan.
A.S. oldindan 1500 dollarni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Jizzaxda tadbirkorga 200 mln so‘m imtiyozli kredit olib berish uchun 600 dollar so‘ragan davlat soliq katta inspektori ushlandi
- Andijonda fuqaroning MIB hisobiga o‘tkazib yuborgan ortiqcha 7,5 million so‘mni qaytarish uchun 3 mln so‘m talab qilgan bank yuristi va MIB xodimi qamoqqa olindi
- Toshkentda ipoteka krediti ajratib berish evaziga fuqarodan 2 ming dollar talab qilgan bank bo‘limi boshlig‘i ushlandi
Izoh (0)