Дунё миқёсида давом этаётган микросхемалар етишмовчилиги автомобиль ишлаб чиқарувчиларга жуда катта зарар келтирди. Баъзи бир компаниялар автомобиль микросхемаларини бошқа турдагилари билан алмаштираётган бўлса, бошқалари эса ишлаб чиқаришни умуман тўхтатмоқда. Бу ҳақда «Автоблог» хабар бермоқда.
Американинг Ford бренди асосида автомобиль ишлаб чиқарувчи компанияси тўлиқ жиҳозланмаган автомобилларини йиғмоқда. Лекин микросхемаларнинг янги партияси етказиб берилганидан сўнг машиналарни тўлиқ жиҳозлаб дилерларга жўнатиш кўзда тутилган.
Ford заводининг Мичиган штатидаги машиналар тураргоҳида бир неча минг Bronco йўлтанламаси йиғилиб қолди. Айрим машиналар очиқ осмон остида бир неча ойдан бери турибди. Харидорлар машиналар дилерларга нуқсон билан етказиб берилишидан хавотирда.
Ford компаниясининг расмий вакиллари ушбу маълумотни тасдиқламоқда. Айтишларича, минглаб машиналар микросхема келишини кутиб турибди. Компания тез орада машиналарни тўлиқ жиҳозлаб, буюртмачиларга етказиб беришга ваъда бермоқда.
Бу муаммо UzAuto Motors’ни ҳам четлаб ўтмаган. Компания ўз мижозларига етказиб беришни эмас, балки баъзи турдаги автомобилларга шартнома беришни хам тўхтатди. Бунга чиплар етишмовчилиги сабаб қилиб кўрсатилди.
Мавзуга доир:
- Автомобильлар ва гаджетлар нега ўз вақтида етказиб берилмаяпти? Чиплар танқислиги қандай пайдо бўлгани ва электрон саноатга қанчалик хавф солаётганини тушунтирамиз
- UzAuto Motors’га муаммо туғдираётган чиплар ва уни ишлаб чиқаришдаги инқироз ҳақида мутахассис изоҳи
- Мутахассис: Яримўтказгичлар танқислиги электромобиллар нархи ошишига таъсир ўтказяпти
Изоҳ (0)