Аввал хабар берилганидек, 3 февраль куни ҳайдовчилик гувоҳномасини олиш учун имтиҳон топшириш бўйича Тошкент имтиҳон маркази ишга тушди. Тақдимот маросимида иштирок этиб, сўзга чиққан ички ишлар вазири ўринбосари, жамоат хавфсизлиги департаменти бошлиғи Бекмурод Абдуллаев имтиҳон қатъий назорат остида инсон омилидан холи қилиб олиш бошлагандан кейин ундан йиқилувчилар сони кўп бўлишига эътибор қаратди.
«Нимага? Чунки ҳозир автомактабларда ўқитиш сифати жуда паст, бундан ташқари минг афсуслар бўлсинки, ўқимасдан ҳайдовчилик гувоҳномасини олиш халқимизнинг онгига шу даражада сингиб кетганки, бирданига инсонлар дунёқарашини ўзгартириш қийин. Кўпчилик ўқишнинг ўрнига, таниш қидиришга тушиб кетиши ҳам ҳеч гап эмас», дейди Абдуллаев.
Шунингдек, ички ишлар вазири ўринбосари бу каби имтиҳон марказлари иш бошлагач, ижтимоий тармоқларда имтиҳондан йиқилган аҳолининг норозилиги, эътирозлари, янги тизимнинг керак эмаслиги ҳақида гап-сўзлар кўпайиши ва масъуллар бунга руҳан тайёр эканлигини маълум қилди. «Агар Президентимиз бу борада сиёсий ирода кўрсатмаганларида эди, бунақа революцион қадам қўя олмаган бўлардик. Бунақа кескин ислоҳотлар эса доим ҳам барчага ёқавермаслиги мумкин, айниқса аввалги тизимдан манфаатдор инсонларга», дея таъкидлади у.
Янги имтиҳон марказлари бўйича ҳар қанақа асосли эътироз ва танқидлар бўлса, биз буни тўғри қабул қиламиз ҳамда халқимизга, журналист ва блогерларга доим очиқмиз. Аммо сизлардан илтимос, асоссиз, шунчаки эски коррупцион тизимни хоҳлаб кўр-кўрона қилинадиган танқидларга оғир-босиқлик ва холислик билан муносабат билдирсангиз хурсанд бўлар эдик. Бир нарсани унутмайлик, бу ислоҳотларнинг барчаси фақат ва фақат халқимиз, инсон қадри, фуқароларимиз ҳаёти ва саломатлиги учун.Эслатиб ўтамиз, Шавкат Мирзиёев 26 январь куни бўлиб ўтган йиғилишда ҳайдовчилик гувоҳномасини олиш учун ўқитиш тизими тубдан такомиллаштирилишини маълум қилганди. «Коронавирусдан эмас, авариялар оқибатида кўп инсон ҳалок бўлмоқда... Ҳайдовчилик гувоҳномасини ўқимасдан олиш оддий ҳолга айланиб қолди. Шунинг учун, авариялар сони соат сайин ошиб бормоқда. Мен ҳам ўқиганман, биз уч йил ўқиганмиз. Ҳозиргилар ўқимасдан оляпти. Нима Ўзбекистонда қонун йўқми?», — деган Шавкат Мирзиёев.ИИВ ўринбосари, жамоат хавфсизлиги департаменти бошлиғи Бекмурод Абдуллаев
Ҳукумат қарорига 17 ноябрь куни киритилган ўзгартиришларга кўра, Ўзбекистонда эски ҳайдовчилик гувоҳномасини алмаштириш муддати 1 йилга узайтирилди.
Давлат хизматлари агентлиги ҳайдовчилик гувоҳномасини янгисига алмаштириш хизматини ИИВ ЙҲХББ электрон тизимида техник-профилактик тадбирлар амалга оширилиши муносабати билан 12 ноябрдан бошлаб вақтинча тўхтатган.
Мавзуга доир:
Изоҳ (0)