Dunyo miqyosida davom etayotgan mikrosxemalar yetishmovchiligi avtomobil ishlab chiqaruvchilarga juda katta zarar keltirdi. Ba’zi bir kompaniyalar avtomobil mikrosxemalarini boshqa turdagilari bilan almashtirayotgan bo‘lsa, boshqalari esa ishlab chiqarishni umuman to‘xtatmoqda. Bu haqda “Avtoblog” xabar bermoqda.
Amerikaning Ford brendi asosida avtomobil ishlab chiqaruvchi kompaniyasi to‘liq jihozlanmagan avtomobillarini yig‘moqda. Lekin mikrosxemalarning yangi partiyasi yetkazib berilganidan so‘ng mashinalarni to‘liq jihozlab dilerlarga jo‘natish ko‘zda tutilgan.
Ford zavodining Michigan shtatidagi mashinalar turargohida bir necha ming Bronco yo‘ltanlamasi yig‘ilib qoldi. Ayrim mashinalar ochiq osmon ostida bir necha oydan beri turibdi. Xaridorlar mashinalar dilerlarga nuqson bilan yetkazib berilishidan xavotirda.
Ford kompaniyasining rasmiy vakillari ushbu ma’lumotni tasdiqlamoqda. Aytishlaricha, minglab mashinalar mikrosxema kelishini kutib turibdi. Kompaniya tez orada mashinalarni to‘liq jihozlab, buyurtmachilarga yetkazib berishga va’da bermoqda.
Bu muammo UzAuto Motors’ni ham chetlab o‘tmagan. Kompaniya o‘z mijozlariga yetkazib berishni emas, balki ba’zi turdagi avtomobillarga shartnoma berishni xam to‘xtatdi. Bunga chiplar yetishmovchiligi sabab qilib ko‘rsatildi.
Mavzuga doir:
- Avtomobillar va gadjetlar nega o‘z vaqtida yetkazib berilmayapti? Chiplar tanqisligi qanday paydo bo‘lgani va elektron sanoatga qanchalik xavf solayotganini tushuntiramiz
- UzAuto Motors’ga muammo tug‘dirayotgan chiplar va uni ishlab chiqarishdagi inqiroz haqida mutaxassis izohi
- Mutaxassis: Yarimo‘tkazgichlar tanqisligi elektromobillar narxi oshishiga ta’sir o‘tkazyapti
Izoh (0)