Голливуд юлдузлари 45 ёшли Райан Рейнолдс ва 34 ёшли Блейк Лайвли Украина халқининг ғамига муносабат билдирди. Жуфтлик ўз ватанини тарк этишга мажбур бўлган одамларга ёрдам беришга ҳисса қўшди.
«Дедпул» ва «Ғийбатчи қиз» юлдузлари узоқ вақтдан бери қийин вазиятга тушиб қолган муҳтож одамларга ёрдам бериб келади. Бундан аввал жуфтлик томонидан пандемиядан азият чекканларга моддий ёрдам кўрсатилганди. Энди эса улар украиналик қочқинлар учун хайрия қилишди.
Райаннинг айтишича, у Украинани тарк этишга мажбур бўлганларга ёрдам бериш учун миллион доллар хайрия қилишга қарор қилган. «Сўнгги 48 соат ичида сон-саноқсиз украиналиклар ўз уйларини ташлаб, қўшни давлатларга кетишга мажбур бўлди. Улар ҳимояга муҳтож», — дейди Рейнолдс.
Унинг сўзларига актёрнинг рафиқаси ҳам қўшилди. Блейк кичик ёшдаги боласи бор аёлнинг мамлакатни тарк этиш учун поездга ўтиргани тасвирланган сурат билан бўлишди. Актрисанинг таъкидлашича, БМТ қочқинларга ёрдам бермоқда, шунингдек, Украинанинг қўшни давлатлари билан одатдаги шароитларидан ажралган одамларга қулайлик яратади.
Жуфтликнинг обуначилари уларнинг қарорини қўллаб-қувватлади. «Райан, Блейк, баракалла», «Тўғри, ҳозир ҳаммасидан ҳам оддий одамлар учун қийин», «Уларнинг бутун ҳаёти ўзгариб кетди, айнан улар ёрдамга муҳтож», – дея блогерлар Интернетда муҳокама қилмоқда.
Аввалроқ жаҳонга машҳур актриса Анжелина Жоли ҳам Украинадаги вазиятга муносабат билдириб, тинч аҳолига ёрдам беришини маълум қилганди. Кино юлдузи узоқ вақтдан бери БМТнинг яхши ният элчиси сифатида бутун дунё бўйлаб қочқинларни қўллаб-қувватлаб келади.
Изоҳ (0)