Бой ва машҳур бўлишнинг ўзи етарли эмас, чунки дунёдаги ҳеч қандай пул (мухлислар эътирофи ҳам) бахт ўрнини боса олмайди. Бунинг исботи сифатида севгида омади чопмаган машҳурларни ёдга оламиз.
Памела Андерсон
Томми Ли, Кид Рок, Рик Саломон — буларнинг барчаси Памела Андерсон турмушга чиққан эркаклар. Рик Саломон эса актрисага икки марта уйланган. Памела Андерсон ҳавас қиларли карьера қилди ва эркаклар эътибори етишмаслигидан ҳеч қачон азият чекмади, аммо у кучли оила қура олмади. Андерсон навбатдаги йигити — футболчи Одил Рамини жисмоний зўравонлик ва хиёнатда айблаб, у билан ажрашди. Кейин эса у ўзининг тансоқчиси Ден Хейҳурстга турмушга чиқди. Тўйдан 13 ой ўтиб, у билан ҳам муносабатларига нуқта қўйди.
Наоми Кемпбелл
Модель кўплаб таниқли эркаклар билан учрашган: Майк Тайсон, Силвестр Сталлоне, Эрик Клаптон, Роберт де Ниро, Флавио Бриаторе, Адам Клейтон ва ҳатто рус олигархи Владислав Доронин билан ҳам. Наоми фақат испаниялик раққос Хоакин Кортес билан узоқ муддатли муносабатда бўлган, аммо расмий равишда никоҳдан ўтишмаган. Ўтган йили 50 ёшли модель матбуотга ўзининг янги туғилган қизини таништирди, аммо на турмуш ўртоғи, на суррогат она ҳақидаги миш-мишларга изоҳ бермади.
Рене Зеллвегер
«Брижит Жонснинг кундалиги» фильми юлдузи узоқ муддатли романтикалари билан мақтана олмайди. Унинг барча муносабатлари тезда тугайди, актрисанинг сўзларига кўра, у ҳеч қачон эркаклар билан мулоқот қилишни билмаган. Рене ҳақиқий севгига ишончини йўқотган, ҳатто оила қура олишига умид ҳам қилмайди.
Линдси Лохан
Ташқи кўринишидан мафтункор Линдси Лохан нафақат роллари, балки қаттиққўл феъл-атвори, шунингдек, турли муаммоларга аралашиш одати билан ҳам машҳур: гиёҳвандликдан тортиб маст ҳолда машина ҳайдашгача. Актриса ҳаётидаги яна бир жиддий муаммо бор — бу ишқий муносабатларни сақлаб қололмаслиги. Уларнинг барчаси муваффақиятсиз тугайди.
Мег Райан
2001 йилда актриса муросасиз келишмовчиликлар туфайли турмуш ўртоғи билан ажрашган ва ўшандан бери орзусидаги одамни топишга ҳаракат қилмоқда. Афсуски, йиллар ўтса-да, Мег ҳали ҳам ёлғиз ва бахтсиз . Муваффақиятсиз пластик жарроҳлик туфайли актрисанинг юзи ниқобга ўхшаб қолгани вазиятни янада оғирлаштиради, бу эса ўзига бўлган ишончнинг йўқолишига олиб келади.
Коко Шанел
Габриэль Шанел (кутюрнинг ҳақиқий исми)нинг ягона севгиси Артур Капл эди, лекин у ҳаётда бирор нарсага эришмагунча у билан бирга бўлолмаслигига қарор қилади. Йигит кутишдан чарчайди ва юқори табақага мансуб аёл Диана Листерга турмуш қуришни таклиф қилади. Бироқ Дианага уйланганидан кейин ҳам Капл Габриэлни севишда давом этаверади. 1919 йилда Артур вафот этади ва ўша пайтда Коко Шанел ўзининг афсонавий қора либосини яратди. Кейинчалик ўткинчи муносабатлар ҳам бўлиб ўтган, аммо машҳур аёл сўнгги кунларини ёлғизликда ўтказган.
Изоҳ (0)