Болгариянинг София шаҳрида бокс бўйича халқаро анъанавий Странжа Кубоги мусобақасининг финал баҳслари 26 февраль, шанба куни бўлиб ўтмоқда.
-51 кг вазн тоифасида ҳаракат қилган Ҳасанбой Дўстматов қозоғистонлик Дамир Абдикадирга қарши рингга чиқди. Ўзбекистонлик боксчи рақибига ҳеч қандай имконият қолдирмади ва ғалаба қозонди.
Шу тариқа Дўстматов Странжа—2022 мусобақасида Ўзбекистон учун илк олтин медални олиб келди.
Бундан аввалги босқичда Ҳасанбой қозоғистонлик Темур Кабдешовни мағлуб этганди. Чорак финалда россиялик Евгений Мартинов устидан 5:0 ҳисобида ғалаба қозонганди. Мусобақанинг дастлабки босқичида эса Дўстматовнинг рақиби рингга чиқмаган ва тўғридан-тўғри кейинги босқичга йўл олганди.
26 февраль кунги баҳсларда Абдумалик Ҳалоков, Мужибилло Турсунов, Одилжон Аслонов ва Мадиёр Саидраҳимов олтин медал учун кураш олиб боради. +92 кг вазн тоифасида Лазизбек Муллажонов 27 февраль кунги дастурда ўз жангини ўтказади.
Аввалроқ Турсуной Раҳимова украиналик боксчига имкониятни бой бериб, бронза медалини қўлга киритганди. Жаҳонгир Раҳмонов, Саиджамшид Жаъфаров, Соҳиба Рўзметова, Райҳона Қодирова, Ситора Турдибекова, Мавлуда Мавлонова эса мусобақа билан эрта хайрлашди.
Изоҳ (0)