Ушбу озиқ-овқатларни иложи борича тез-тез истеъмол қилиш орқали ўт пуфагида тош пайдо бўлиш хавфини камайтириш мумкин.
Ўт пуфаги билан боғлиқ муаммолар бўлмаса ҳам рўйхатдаги маҳсулотлар рационга киритишга арзийди. Улар овқат ҳазм қилиш тизимининг барча органлари учун фойдали ва организмни соғлом, фаол ва кучли қилади.
Зиғир уруғлари
Биринчидан, бу майда уруғлар деярли барчага маълум даражада етишмайдиган клетчаткалар миқдори бўйича ғолибдир. Иккинчидан, зиғир уруғи ўт пуфагининг нормал ишлаши учун зарур бўлган жуда кўп соғлом ёғларни ўз ичига олади.
Авокадо
Авокадо ҳақиқий супер маҳсулот бўлиб, у кўплаб муҳим витамин, микроэлемент ва фойдали моддалар, шу жумладан калийга бой. Калий организмга суюқлик ва электролитлар мувозанатини сақлашга ёрдам беради. Шунингдек, ўт пуфаги касалликлари ва тош шаклланишининг олдини олади.
Дуккаклилар
Фасол, айниқса, рациони ёғ ёки холестеринга бой бўлганлар учун фойдалидир: ўсимлик оқсили қизил гўшт ёки ёғли овқатларни кўп истеъмол қилинганда, деярли муқаррар бўлган ўт пуфаги тошларининг шаклланиши ва кристалланишини олдини олишга ёрдам беради.
Апельсин
2015 йилда чоп этилган тадқиқотлар натижасида C витамини ўт пуфагидаги тошларнинг шаклланишига профилактик таъсир кўрсатишини тасдиқлади. Апельсинлар C витамини бўйича ҳақиқий чемпионлардир.
Брокколи ва рукола
Аччиқ таъмга эга бўлган бошқа сабзавот ва кўкатлар сингари улар овқат ҳазм қилиш тизимининг саломатлиги учун жуда фойдалидир. Ўт пуфаги ишлаб чиқарилган сафро миқдорини назорат қилишда ёрдам беради. Гўшт ёки ёғли овқатлар билан бирга сабзавот ва кўкатларни истеъмол қилиш самаралидир.
Қовоқ уруғлари
Магний ўт пуфаги саломатлиги учун зарур бўлган яна бир микроэлементдир. Бу ортиқча кальцийни олиб ташлашга имкон беради, чунки у тўпланиб, қаттиқлашиб, тошларни ҳосил қилади. Исмалоқ, брокколи таркибида жуда кўп магний бор, аммо қовоқ уруғлари унинг ҳақиқий манбаи.
Сув
Юқорида сийдик пуфагининг нормал ишлаши учун намлик ва электролитлар мувозанати қанчалик муҳимлиги айтиб ўтилди. Сув эса организмдан зардани чиқариб ташлашга ёрдам беришини қўшиш мумкин ва уни кун давомида ичишни унутмаслик керак.
Лавлаги
Лавлагида бетаин кўп бўлиб, у жигарни ҳимоя қилишга ёрдам беради ва ёғларнинг парчаланишини рағбатлантиради. Ҳафтада камида икки марта лавлаги истеъмол қилиш тавсия этилади.
Тузланган карам
Тузланган карам ичакдаги фойдали бактерияларни етарли миқдорда сақлашга ёрдам берадиган энг самарали пробиётиклардан биридир. Ўт пуфагининг саломатлиги ҳақида нима дейиш мумкин? Ичаклар қанчалик соғлом бўлса, ўт пуфагидаги юк шунчалик кам бўлади.
Изоҳ (0)