Ushbu oziq-ovqatlarni iloji boricha tez-tez iste’mol qilish orqali o‘t pufagida tosh paydo bo‘lish xavfini kamaytirish mumkin.
O‘t pufagi bilan bog‘liq muammolar bo‘lmasa ham ro‘yxatdagi mahsulotlar ratsionga kiritishga arziydi. Ular ovqat hazm qilish tizimining barcha organlari uchun foydali va organizmni sog‘lom, faol va kuchli qiladi.
Zig‘ir urug‘lari
Birinchidan, bu mayda urug‘lar deyarli barchaga ma’lum darajada yetishmaydigan kletchatkalar miqdori bo‘yicha g‘olibdir. Ikkinchidan, zig‘ir urug‘i o‘t pufagining normal ishlashi uchun zarur bo‘lgan juda ko‘p sog‘lom yog‘larni o‘z ichiga oladi.
Avokado
Avokado haqiqiy super mahsulot bo‘lib, u ko‘plab muhim vitamin, mikroelement va foydali moddalar, shu jumladan kaliyga boy. Kaliy organizmga suyuqlik va elektrolitlar muvozanatini saqlashga yordam beradi. Shuningdek, o‘t pufagi kasalliklari va tosh shakllanishining oldini oladi.
Dukkaklilar
Fasol, ayniqsa, ratsioni yog‘ yoki xolesteringa boy bo‘lganlar uchun foydalidir: o‘simlik oqsili qizil go‘sht yoki yog‘li ovqatlarni ko‘p iste’mol qilinganda, deyarli muqarrar bo‘lgan o‘t pufagi toshlarining shakllanishi va kristallanishini oldini olishga yordam beradi.
Apelsin
2015-yilda chop etilgan tadqiqotlar natijasida C vitamini o‘t pufagidagi toshlarning shakllanishiga profilaktik ta’sir ko‘rsatishini tasdiqladi. Apelsinlar C vitamini bo‘yicha haqiqiy chempionlardir.
Brokkoli va rukola
Achchiq ta’mga ega bo‘lgan boshqa sabzavot va ko‘katlar singari ular ovqat hazm qilish tizimining salomatligi uchun juda foydalidir. O‘t pufagi ishlab chiqarilgan safro miqdorini nazorat qilishda yordam beradi. Go‘sht yoki yog‘li ovqatlar bilan birga sabzavot va ko‘katlarni iste’mol qilish samaralidir.
Qovoq urug‘lari
Magniy o‘t pufagi salomatligi uchun zarur bo‘lgan yana bir mikroelementdir. Bu ortiqcha kalsiyni olib tashlashga imkon beradi, chunki u to‘planib, qattiqlashib, toshlarni hosil qiladi. Ismaloq, brokkoli tarkibida juda ko‘p magniy bor, ammo qovoq urug‘lari uning haqiqiy manbai.
Suv
Yuqorida siydik pufagining normal ishlashi uchun namlik va elektrolitlar muvozanati qanchalik muhimligi aytib o‘tildi. Suv esa organizmdan zardani chiqarib tashlashga yordam berishini qo‘shish mumkin va uni kun davomida ichishni unutmaslik kerak.
Lavlagi
Lavlagida betain ko‘p bo‘lib, u jigarni himoya qilishga yordam beradi va yog‘larning parchalanishini rag‘batlantiradi. Haftada kamida ikki marta lavlagi iste’mol qilish tavsiya etiladi.
Tuzlangan karam
Tuzlangan karam ichakdagi foydali bakteriyalarni yetarli miqdorda saqlashga yordam beradigan eng samarali probiyotiklardan biridir. O‘t pufagining salomatligi haqida nima deyish mumkin? Ichaklar qanchalik sog‘lom bo‘lsa, o‘t pufagidagi yuk shunchalik kam bo‘ladi.
Izoh (0)