Авокадо қўшиб тайёрланадиган грекча салат рецепти

Витаминларга бой грекча салат ортиқча вазн билан курашаётганлар учун ҳам айни муддао.

 Керакли маҳсулотлар:

• саримсоқ – 2 дона;
• зайтун мойи – 4 ош қошиқ;
• бодринг – 2 дона;
• авокадо – 1 дона;
• пиёз – 1/2 дона;
• помидор – 2-3 дона;
• булғор қалампири – 1/2 дона;
• фета пишлоғи – 200 грамм;
• зайтун – 80 грамм;
• қизил шароб сиркаси – 2 ош қошиқ;
• қуритилган орегано – 1 чой қошиқ;
• кўкат, туз.

1. Саримсоқ майдаланиб, ёғ, сирка, орегано ва туз билан аралаштирилади.
2. Бодринг ва авокадо паррак, помидор ва булғори қалампири эса катта тўртбурчак шаклда тўғралади.
3. Пишлоқ ҳам ўртача катталикда тўғралади. Барча маҳсулотлар аралаштирилади ва таъбга кўра кўкат сепилади.