Ўз савдо белгисини (ЎСБ) ишга тушириш пайтида Korzinka тармоғининг устувор мақсадларидан бири, ҳудудлардаги супермаркетларни ҳамёнбоп нархларда сифатли маҳсулотлар билан таъминлаш эди. Келинг, бу қандай амалга оширилгани ҳақида гапириб берамиз.
Ўз савдо белгилари савдо тармоқларига янада мослашувчан нархларни шакллантириш имконини беради, сабаби бу маҳсулотлар катта маркетинг бюджетларини талаб қилмайди. Бундай харажатга кўпинча етарлича баҳо беришмайди, аммо бу маҳсулотнинг якуний нархини сезиларли даражада оширади.
«ЎСБ худди шундай маҳсулотларга нисбатан камида 5 фоизга арзон бўлиши, маркетинг харажатлари товар белгиси нархига киритилмагани билан изоҳланади. Бу тайёр маҳсулот сифатига ҳеч қандай таъсир қилмайди, чунки муносиб етказиб берувчилар ва ишлаб чиқаришни танлаш — жамоамизнинг устувор йўналиши ҳисобланади. Ишлаб чиқариш компаниялари реклама учун миллионлаб маблағ сарфлашади ва бу маҳсулот таннархига тушади», — деди Korzinka тармоғи асосчиси ва раҳбари Зафар Ҳошимов.
Ўз савдо белгиларини йўлга қўйиш орқали ритейл тармоқлари энг машҳур икки йўналишда ҳаракат қилади — маҳсулотлар таннархини сезиларли даражада пасайтириш, нарх ва сифат ўртасида танлов қилиш ёки сифатга путур етказмасдан ўртача бозор нархини ушлаб туриш. Korzinka иккинчи сценарийга қатъий амал қилади, асосий эътиборни энг яхши сифатга қаратади ва харажатларни харидор учун қулай сақлайди, маркетинг ҳамда қўшимча харажатларни олиб ташлайди.
ЎСБни ишга тушириш орқали, тармоқ ривожланишнинг янги йўналишини танлаб олди ва стратегик қадам ташлади — айни пайтда Korzinka иккита савдо белгиси остида маҳсулотларни чиқариш устида ишламоқда. Биринчиси, Из Корзинки бозорда 2017 йилда пайдо бўлган ва нон маҳсулотлари билан ифодаланган. Тармоқ 2021 йилда иккинчи «365 kun» брендини ишга туширди. Янги бренднинг шиори «Рўйхатдаги барча нарса» бўлиб, бренд истеъмолчига кундалик харидлар учун зарур бўлган барча нарса ва асосий истеъмол савати қаторида тақдим этилганлиги ҳақида хабар беради.
Korzinka uzоқ тарихга, пойтахт ҳамда тўққизта вилоятда ўз филиалларига эга бўлган, ритейлер сифатида бутун тармоқ бўйлаб маҳсулотларни тарқатиш базаси мавжуд бўлган асосий омборга эга. Вилоят истеъмолчиларининг талабидан келиб чиқиб, дўконларга етказиб берилаётган товарлар рўйхати шакллантирилади. Бироқ ўртача истеъмол талабини ҳисобга олган ҳолда, баъзи маҳсулотларнинг юқори нархи туфайли каттароқ филиалларга йўналтирилади.
ЎСБни ишга тушириш фалсафасини ҳисобга олган ҳолда, тармоқда аллақачон тақдим этилган маҳсулотларга ўхшаш маҳсулотлар истеъмолчига арзонроқ нархда етиб боради. Бу тармоққа импорт маҳсулотларининг қимматлиги билан харидорларни чўчитмасдан, ҳудудлар пештахталаридаги ассортиментни кенгайтириш имконини беради.
ЎСБнинг чиқарилиши орқали ёпиладиган яна бир вазифа — бу чет эл товарлари билан боғланмаганлигида, чунки ўз брендлари остида чиқариладиган деярли барча маҳсулотлар Ўзбекистонда ишлаб чиқарилади. Бу маҳсулотларнинг барқарор таъминотини кафолатлайди ва логистика билан боғлиқ муаммоларни сезиларли даражада енгиллаштиради.
«ЎСБнинг асосий кучи — сифатли маҳсулотни янада ҳамёнбоп нархда қилиш ва харидорларнинг содиқлиги туфайли реклама учун кўп ҳаракат қилмасдан уни ишга тушириш. Рақамлар шуни кўрсатадики, мижозимиз нафақат Korzinka’га қайтиб келади, балки ‘365 kun’ ва Из Корзинки маҳсулотларини яна харид қилади. Korzinka ребрендингидан сўнг ‘Одатдагидан яхшироқ’ шиорини эълон қилиш билан биз нафақат тармоқнинг ривожланиши ва интилишларимиз ҳақида, балки бутун мамлакатимиз учун тайёрлаган ва бозорга чиқараётган маҳсулотларнинг сифати ҳақида ҳам гапирамиз», — дейди Зафар Ҳошимов.
Реклама ҳуқуқи асосида.
Изоҳ (0)