Нозима Давлетова Миллий масс-медиани қўллаб-қувватлаш ва ривожлантириш жамоат фондига директор этиб тайинланди.
Қайд этилишича, Масс-медиа фонди Васийлик Кенгашининг навбатдан ташқари йиғилишида фонд директори лавозимига Давлетова Нозиманинг номзоди тасдиқланган.
Давлетова жамоатчилик билан алоқалар бўйича мутахассис. У Халқаро музокаралар соҳасида университетда дарс бериш тажрибасига эга, гендер масалалари бўйича лойиҳалар ташаббускори ва координатори бўлиб ишлаган.
Эслатиб ўтамиз, бу лавозимда шу кунга қадар Акбар Ризаев фаолият юритган. Акбар Ризаев мазкур лавозимда 2020 йилнинг июль ойидан буён директор сифатида ишлаб келаётган Александра Колесниченконинг ўрнини эгаллаганди.
Миллий масс-медиани қўллаб-қувватлаш ва ривожлантириш жамоат фондининг Колесниченкодан олдинги директори, блогер Хушнудбек Худойбердиев Ўзбекистон Миллий ахборот агентлиги бош директори ўринбосари этиб тайинланганди.
Изоҳ (0)