Ўзбекистонда айрим автомактабларнинг мақсади сифатли таълим бериш эмас, балки мўмай даромад топишга қаратилган. Бу ҳақда ички ишлар вазири Пўлат Бобожонов ЎзАга берган интервьюсида айтиб ўтди.
Вазирнинг сўзларига кўра, ҳайдовчиларни тайёрлаш, ўқитиш амалиёти, яратилган шароит, назорат тизими, мавжуд имкониятлар жойларга чиққан ҳолда ўрганилган.
«Очиқ айтиш керакки, аҳвол ачинарли ҳолатда. Хусусан, ҳозирда фаолият юритаётган 1 348 та ўқув ташкилотининг 745 тасида ўз биноси, 1 277 тасида ўз ўқув автодроми йўқ. Уларнинг 41 фоизида ўқув-машқ автомобилидан ижара асосида фойдаланилади. Шунингдек, ҳайдовчиларни ўқитиш мактабларида носоғлом рақобат вужудга келган. Гапнинг тўғрисини айтганда, айрим автомактабларнинг мақсади сифатли таълим бериш эмас, балки мўмай даромад топишга қаратилган», — дейди Пўлат Бобожонов.
«Автомактабларнинг ўқув методологияси, назарий ва амалий ўқув дастурларини ишлаб чиқиш, шунингдек, ўқитувчи ва мураббийларни қайта тайёрлаш ва малакасини оширишга эса ИИВ академияси масъул этиб белгиланади. Бундан буён ҳайдовчилар тўғрисидаги маълумотларнинг электрон базаси юритилади. Шунингдек, ҳар бир ҳайдовчи ҳамда автомактабларнинг рейтинги юритилади», — дея таъкидлайди у.
Аввалроқ Ўзбекистонда ҳайдовчиликка ўқитиш ва гувоҳнома бериш бўйича янги тизим яратилиши, Ўзбекистонда қоидабузар ҳайдовчилар учун жарима баллари тизими жорий этилиши ҳамда Ўзбекистоннинг барча вилоятларида замонавий автомактаб ва имтиҳон марказлари ташкил этилиши ҳақида хабар берилганди.
Мавзуга доир:
- Сиз «права»ни қандай олгансиз? — «Дарё»да кичик сўровнома
- «Кам пулга ҳайдовчиларни тайёрловчи автомактаблар коррупцияга йўл қўяди» — йўл ҳаракати хавфсизлиги бўйича мутахассис
- Комил Алламжонов ҳайдовчилик гувоҳномасини олиш тизими устидан жамоатчилик назорати нима учун муҳимлигини тушунтириб берди (видео)
Изоҳ (0)