Ижтимоий тармоқларда Тошкент шаҳар ҳокими Жаҳонгир Ортиқхўжаевнинг халққа мурожаати экани айтилган хат тарқалди. Унда ҳоким сўнгги кунларда жамоатчилик муҳокамасига сабаб бўлган ҳолатларга ўз муносабатини билдирган. Ортиқхўжаев Комил Алламжонов билан ўрталарида ҳеч қандай совуқчилик, тортишув юзага келмаганини, доимо ҳамкорликда ишлашларини айтиб, турли уйдирмаларни тарқатаётганлардан уларнинг ишлашига ҳалақит қилмасликни сўраган.
Хўп, охирги 3—4 кунда менинг атрофимда бўлаётган мавзулар ва мен билан Комил Алламжонов ўртасида қандайдир хабарларларни тарқатаётган, ҳолатларга бўрттириб, ёлғон хабарлар қўшиб, ижтимоий тармоққа сиздирилаётган тасдиқланмаган ахборотлар кенг муҳокамаларга сабаб бўлаётгани ортидан ёзишга аҳд қилдим.Имло хатолари кўп бўлган бу баёнотни чиндан ҳам Жаҳонгир Ортиқхўжаевнинг ўзига тегишли эканини ҳокимликнинг бирон расмий вакилидан тасдиқлаш имкони бўлмади.Аслида, эътибор бермасдан, вақтимни сарфламасдан, бундай уйдирмаларга аҳамият бермасдан юраман. Лекин тинимсиз бўлган қўнғироқлар сабаб ҳолатга шахсан аралашишни жоиз деб топдим.
Ман билан Комил Алламжонов ўртасида ҳеч қандай совуқчилик йўқ, биз ҳеч қачон матбуот уруши қилмаганмиз. Бу соҳада менинг тажрибам йўқ. Бизнинг муносабатларимиз доим очиқ ва самимий бўлган. Керак бўлса, кунига 3-4 маротаба телефонлашиб, хабарлашиб, ҳурматли президентимиз олдида, шу юрт олдида қандай вазифаларимиз, мажбуриятларимиз бўлса, маслаҳатлашиб, фикр алмашиб, тажриба алмашиб турамиз. Кеча президентимизнинг Тошкент шаҳрига ташрифларида биз иккимиз ёнларида бўлиб, ўзимизга тегишли вазифаларни олиб келмоқдамиз. Буни барча расмий фотолардан кўришингиз мумкин.
Биз амалдорлар — халқнинг хизматидамиз. Президентимиз бизни бир оила каби ишлаб келишимизни таъкидлаб келадилар. Ўзбек халқида бир гап бор — агар оиладаги фарзандлар ўртасида зиддият бўлса, бу оила бошининг ишончи йўқолишига олиб келади. Келинглар, бошни бир ёқадан чиқариб, давлатимизга, халқимизга, оиламизга ва оила бошини топшириқларини ҳалол адо этишга кучимизни сарфлаймиз.
Қолаверса, бизнинг орамизга ким қандай мақсадларда бундай тушунмовчиликлар, совуқчиликлар солмоқчи бўлгани, буни тагида қандай манфаатлар ётгани менга қоронғу. Ўшаларга биргина гапим — ишлашимизга ҳалақит берманглар.
Барчангизга бундай уйдирмаларга ишонмаслигингизни ва қимматли вақтингизни бундай арзимас нарсаларга кетказмаслигингизни илтимос қилиб қолардим. Сизларга катта раҳмат!»
Эслатиб ўтамиз, ижтимоий тармоқларда Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Тошкент шаҳар ҳокими вазифасини бажаришга тайёрланаётгани тўғрисида хабарлар тарқалди. Кейинроқ бу борадаги миш-мишлар рад этилди. Telegram’даги «Times.uz» канали мазкур хабар қандай тарқатилганига оид воқеа хронологияси ҳақида ёзди.
Аввалроқ Жаҳонгир Ортиқхўжаев 3,5 йилдан буён ҳокимиятда ишлаб, давлатнинг бир сўмига ҳам хиёнат қилмаганини билдирганди. Кейинроқ ҳокимнинг қизи отасининг фаолиятини салбий баҳолаётган ОАВ ходимларини танқид қилди. Комил Алламжонов эса журналист ва блогерларни душман деб билиб, уларни ёмон кўрган амалдорнинг косаси ҳеч қачон оқармаслигини, «уларга уруш эълон қилинса, токи ўша амалдор жойидан кетмагунича ҳеч қачон тугамаслигини» ёзган.
Изоҳ (0)